హైదరాబాద్, వెలుగు: నాట్కో ఫార్మా లిమిటెడ్కు క్యూ1 లో రూ. 1,140.50 కోట్ల రెవెన్యూపై రూ. 420.30 కోట్ల నికర లాభం వచ్చింది. అంతకు ముందు ఏడాది క్యూ1 తో పోలిస్తే నికర లాభం 31.20 శాతం ఎగసింది. జూన్ క్వార్టర్లో ఫార్ములేషన్ ఎగుమతులతో పాటు, డొమెస్టిక్ బిజినెస్ కూడా మంచి పెర్ఫార్మెన్స్ కనబరిచినట్లు నాట్కో ఫార్మా తెలిపింది. సబ్సిడరీల సేల్స్ కూడా నిలకడగా ఉన్నట్లు పేర్కొంది. ఫార్ములేషన్స్ ఎగుమతులు జూన్ క్వార్టర్లో రూ. 884.20 కోట్లకు, డొమెస్టిక్ పార్ములేషన్స్ రూ. 132.40 కోట్లకు పెరిగాయని వెల్లడించింది. పేటెంట్ లిటిగేషన్ కేసు కోసం రూ. 51 కోట్లను ప్రొవిజన్ చేసినట్లు వివరించింది. ఉద్యోగులకు స్పెషల్ ఇన్సెంటివ్స్ కింద రూ. 17 కోట్లు కేటాయించినట్లు నాట్కో ఫార్మా రెగ్యులేటరీ ఫైలింగ్లో వెల్లడించింది. ఒక్కో షేర్కు రూ. 7 చొప్పున ఇంటెరిమ్ డివిడెండ్ను డైరెక్టర్ల బోర్డు రికమెండ్ చేసినట్లు తెలిపింది.
