న్యూఢిల్లీ : ఈ ఏడాది జూన్ తో ముగిసిన మొదటి క్వార్టర్లో నాట్కో ఫార్మా కన్సాలిడేటెడ్ నికర లాభం 59 శాతం పెరిగి రూ. 668 కోట్లకు చేరుకుంది. గత ఆర్థిక సంవత్సరం ఏప్రిల్–-జూన్ కాలానికి కంపెనీ రూ.420 కోట్ల నికర లాభాన్ని ఆర్జించింది. కార్యకలాపాల ద్వారా వచ్చే ఆదాయం రూ.1,140 కోట్ల నుంచి రూ.1,363 కోట్లకు పెరిగిందని నాట్కో ఫార్మా రెగ్యులేటరీ ఫైలింగ్లో పేర్కొంది.
2024-–25 ఆర్థిక సంవత్సరానికి తమ బోర్డు ఒక్కో షేరుకు రూ.3 చొప్పున మధ్యంతర డివిడెండ్ను ప్రకటించినట్లు కంపెనీ తెలిపింది. బీఎస్ఈలో సోమవారం కంపెనీ షేర్లు 3.48 శాతం పెరిగి రూ.1,491.30 వద్ద ముగిశాయి.
