- సింగరేణి డైరెక్టర్ ఎల్వీ సూర్యనారాయణ
భద్రాద్రి కొత్తగూడెం, వెలుగు: క్రీడా స్ఫూర్తితో క్రీడాకారులు ఆటలు ఆడాలని సింగరేణి కాలరీస్కంపెనీ డైరెక్టర్ఆపరేషన్స్ఎల్వీ సూర్యనారాయణ సూచించారు. శుక్రవారం కొత్తగూడెం ఏరియా రుద్రంపూర్లోని ప్రొఫెసర్ జయశంకర్ గ్రౌండ్లో కోల్ ఇండియా స్థాయి కబడ్డీ పోటీలను సింగరేణి డైరెక్టర్లు కొప్పుల వెంకటేశ్వర్లు, తిరుమలరావుతో కలిసి ఆయన ప్రారంభించారు.
ముందుగా క్రీడాకారుల వద్ద నుంచి గౌరవ వందనం స్వీకరించారు. మూడు రోజులు కొనసాగే కబడ్డీ పోటీలను క్రీడా స్ఫూర్తితో నిర్వహించాలన్నారు. క్రీడలకు సింగరేణి పెద్ద పీట వేస్తుందన్నారు. దేశంలోని8 బొగ్గు పరిశ్రమల నుంచి క్రీడాకారులు పాల్గొన్నారు. సింగరేణి కాలరీస్ కంపెనీతో పాటు బీసీసీఎల్, సీసీఎల్, ఈసీఎల్, ఎంసీఎల్, ఎస్ఈసీఎల్, డబ్ల్యుసీఎల్ కంపెనీల తరఫున పాల్గొంటున్నారు. వసతి సదుపాయాలు సరిగా లేవని క్రీడాకారులు వాపోయారు.
సింగరేణి జట్టు ఘన విజయం
తొలిరోజు సింగరేణి– బీసీసీఎల్జట్ల మధ్య ప్రారంభ మ్యాచ్జరిగింది. సింగరేణి జట్టు 85 పాయింట్లు సాధించగా, బీసీసీఎల్జట్టు15 పాయింట్లకే పరిమితమై ఓటమి పాలైంది.
