నేచురల్ స్టార్ నాని(Nani) బంపర్ ఆఫర్ కొట్టేశారు. అది కూడా సూపర్ స్టార్ రజినీకాంత్(Rajinikanth) కాంబోలో. ప్రస్తుతం ఈ న్యూస్ ఇటు తెలుగు అండ్ తమిళ ఇండస్ట్రీలో హాట్ టాపిక్ గా మారింది.
సూపర్ స్టార్ రజినీకాంత్ ప్రధాన పాత్రలో జై భీమ్(Jai Bheem) సినిమా దర్శకుడు టీజీ జ్ఞానవేల్‌(TG Gnanavel)తో ఓ సినిమా చేస్తున్న విషయం తెలిసిందే. ప్రస్తుతం జైలర్(Jailer) సినిమా రిలీజ్ హడావుడిలో ఉన్న రజినీకాంత్ అది పూర్తవగానే టీజీ జ్ఞానవేల్‌తో సినిమాను మొదలుపెట్టనున్నారు. ఈ సినిమా కథ కూడా జై భీమ్ సినిమాలాగే సోషల్ ఎలిమెంట్ తో రానుందని సమాచారం. అంతేకాదు ఈ సినిమాలో రజినితో పాటు మరో పాత్ర కూడా కీలకం కానుందట. అందుకోసం టాలీవుడ్ నెచురల్ స్టార్ నానిని ఎంపిక చేశారట దర్శకుడు టీజీ జ్ఞానవేల్‌. ఇప్పటికే ఈ నాని రోల్ కు సంబంధించిన కథ చర్చలు కూడా పూర్తయ్యాయని, దానికి రజినికాంత్, నాని కూడా ఒప్పుకున్నారని సమాచారం.
ఈ న్యూస్ తెలుసుకున్న నాని ఫాన్స్ తెగ ఖుషీ అవుతున్నారు. ఎలాంటి బ్యాక్‌గ్రౌండ్ లేకుండా సినీ ఇండస్ట్రీలోకి వచ్చిన ఇద్దరు హీరోలు ఒకే ఫ్రేమ్‌లో కనిపించడం అనేది మాకు చాలా సంతోషంగా ఉంది అంటూ కామెంట్స్ చేస్తున్నారు. మరి ఈ సినిమాలో రజినీకాంత్, నాని ఏ ఏ పాత్రల్లో కనిపించనున్నారు. వారి లుక్ ఎలా ఉంటాయి అనే అంశాలపై ఆసక్తినెలకొంది.
