ఖమ్మం టౌన్, వెలుగు : వైద్య కళాశాలల్లో ప్రవేశాల నిమిత్తం ఈ నెల 3న నిర్వహించనున్న నీట్ యూజీ ప్రవేశ పరీక్షకు అన్ని ఏర్పాట్లు చేపట్టాలని అడిషనల్ కలెక్టర్ పి.శ్రీనివాస రెడ్డి ఆఫీసర్లను ఆదేశించారు.
గురువారం అడిషనల్ కలెక్టర్, అసిస్టెంట్ కమిషనర్ సాంబరాజుతో కలిసి సంబంధిత అధికారులతో సమీక్షించారు. ఖమ్మం జిల్లా పరిధిలో నీట్ పరీక్షకు మొత్తం 2,762 మంది విద్యార్థులు హాజరుకానుండగా, 7 పరీక్ష కేంద్రాలు ఏర్పాటు చేసినట్లు తెలిపారు.
