- ప్రభుత్వ సలహాదారు సుదర్శన్రెడ్డి
ఎడపల్లి, వెలుగు: రైతుల సమస్యలపై అధికారులు వెంటనే స్పందించి చర్యలు చేపట్టాలని బోధన్ఎమ్మెల్యే, ప్రభుత్వ సలహాదారు పి.సుదర్శన్రెడ్డి అధికారులను ఆదేశించారు. శనివారం నిజామాబాద్ జిల్లా ఎడపల్లి మండ పరిషత్ కార్యాలయంలో పలు శాఖల అధికారులు, రైతులతో సమావేశం నిర్వహించి మాట్లాడారు. మండలంలోని రైతులకు ఎలాంటి సమస్యలు, ఇబ్బందులు రాకుండా సేవలందించాలన్నారు. సమస్యలపై నిర్లక్ష్యం చేసినా, రైతుల ఫిర్యాదులకు స్పందించకపోయినా సహంచేది లేదని హెచ్చరించారు. విద్యుత్సమస్యలు లేకుండా చూడాలన్నారు. రైతులకు ఎరువులు, విత్తనాలు సకాలంలో అందేలా వ్యవసాయశాఖ అధికారులు జాగ్రత్తలు తీసుకోవాలన్నారు.
ఈ సందర్భంగా సర్పంచ్ లు పలు సమస్యలను ఎమ్మెల్యేకు వివరించారు. ఇందిరమ్మ ఇండ్ల ఫైనల్ బిల్లులు రావడంలేదని, సకాలంలో వచ్చేలా చూడాలని కోరారు. మండలంలోని పలు గ్రామాల్లో గతంలో కొందరికి ఇచ్చిన ఇంటి స్థలాలను కొంత మంది ఆక్రమించుకున్నారని, వాటిని లబ్ధిదారులకు ఇవ్వాలని కోరగా విచారణ జరిపి చర్యలు తీసుకోవాలని తహసీల్దార్దత్తాద్రిని ఆదేశించారు. సమావేశంలో ఎంపీడీవో శంకర్, వ్యవసాయ శాఖ అధికారి సిద్ది రామేశ్వర్, నేతలు, రైతులు పాల్గొన్నారు.
