నిర్మల్, వెలుగు: నిబంధనలు పాటించని ఆస్పత్రులపై కఠిన చర్యలు తీసుకోవాలని నిర్మల్ జిల్లా కలెక్టర్ ఆశిష్ సంగ్వాన్ అధికారులను ఆదేశించారు. క్లినికల్ ఎస్టాబ్లిష్మెంట్ యాక్ట్ -2010 నిబంధనలపై కలెక్టరేట్ సమావేశ మందిరంలో గురువారం జరిగిన జిల్లాస్థాయి రిజిస్ట్రేషన్ అథారిటీ కమిటీ సమావేశంలో ఆయన పాల్గొని మాట్లాడారు. క్లినికల్ ఎస్టాబ్లిష్మెంట్ యాక్ట్ ను జిల్లాలో పకడ్బందీగా అమలు చేయాలని, రిజిస్ట్రేషన్ చేసుకోకుండా నిర్వహిస్తున్న ఆస్పత్రులపై చర్యలు తీసుకోవాలని ఆదేశించారు. తగిన అర్హతలు లేకుండా వైద్యం చేసే వారిపై కఠినంగా వ్యవహరించాలన్నారు.
ఈ సమావేశంలో జిల్లా ఎస్పీ జానకి షర్మిల, అడిషనల్ కలెక్టర్లు ఫైజాన్ అహ్మద్, కిషోర్ కుమార్, జిల్లా వైద్యారోగ్య శాఖ అధికారి డాక్టర్ధనరాజ్, ఇండియన్ మెడికల్ అసోసియేషన్ ప్రెసిడెంట్ డాక్టర్ మురళీధర్, డిప్యూటీ వైద్యారోగ్యశాఖ అధికారి రాజేందర్, విస్తరణ, మీడియా అధికారి బారె రవీందర్ తదితరులు పాల్గొన్నా రు.
