నిర్మల్, వెలుగు: పోక్సో కేసులో ఓ నిందితుడికి పదేండ్ల జైలు శిక్ష విధిస్తూ నిర్మల్ ఫాస్ట్ ట్రాక్ కోర్టు గురువారం తీర్పునిచ్చింది. కుంటాల మండలంలోని ఓ గ్రామానికి చెందిన శ్రీకాంత్ అదే గ్రామానికి చెందిన బాలుడు(14) తో లైంగికంగా, అసభ్యంగా ప్రవర్తించాడు. దీంతో శ్రీకాంత్పై స్థానిక పోలీస్ స్టేషన్లో 2016 లో కేసు నమోదైంది.
పోలీసులు దర్యాప్తు చేపట్టి విచారించారు. నేరం రుజువు కావడంతో ఫాస్ట్ ట్రాక్ కోర్టు పోక్సో చట్టం కింద నిందితునికి 10 సంవత్సరాల జైలు శిక్ష, రూ.4 వేల జరిమానాల విధిస్తూ తీర్పు వెలువరించారు.
