- ఆర్జేడీతో విభేదాలతో ఎన్డీఏలో చేరనున్నట్లు వార్తలు
పాట్నా : బీహార్ సీఎం, జనతాదళ్ యునైటెడ్ (జేడీయూ) చీఫ్ నితీశ్ కుమార్ మరోసారి ఎన్డీఏలో చేరనున్నట్లు తెలుస్తున్నది. రెండు మూడ్రోజుల్లో ఆయన దీనిపై నిర్ణయం ప్రకటిస్తారని ఆ పార్టీ వర్గాలు చెప్తున్నాయి. ఇప్పటికే ఈ విషయంపై జేడీయూ ఎమ్మెల్యేలతో ఆయన చర్చించినట్లు సమాచారం. బీజేపీ మద్దతుతో జనవరి 28న నితీశ్ మరోసారి సీఎంగా ప్రమాణం చేయనున్నట్లు వార్తలు వస్తున్నాయి.
హెచ్ఎం పార్టీ చీఫ్, మాజీ సీఎం జతిన్రామ్ మాంఝీ వీరికి మద్దుతు ఇవ్వనున్నారని తెలుస్తున్నది. 2022లో ఎన్డీఏ నుంచి బయటకొచ్చిన నితీశ్ మహాఘట్‌‌బంధన్‌’తో చేతులు కలిపారు. రాష్ట్రీయ జనతా దళ్ (ఆర్జేడీ) సపోర్టుతో ప్రభుత్వాన్ని ఏర్పాటు చేశారు. కాంగ్రెస్ ఇతర ప్రతిపక్షాలతో కలిసి ‘ఇండియా’ కూటమి ఏర్పాటులో కీలకంగా వ్యవహరించారు. రాష్ట్రంలో అధికారం పంచుకుంటున్న ఆర్జేడీతో విభేదాలు రావడంతో మళ్లీ ఎన్డీఏలో చేరనున్నట్లు తెలుస్తున్నది.
అలాగే, ఇండియా కూటమిలో తన స్థాయికి తగిన పదవి దక్కడం లేదని నితీశ్ అసంతృప్తిగా ఉన్నారు. లోక్‌‌సభ ఎన్నికలతో పాటే బీహార్ అసెంబ్లీ ఎన్నికలు కూడా నిర్వహించాలన్న ఆయన చేసిన ప్రపోజల్ను ఆర్జేడీ అంగీకరించలేదు. ఈ నేపథ్యంలో ఆయన ఎన్డీఏ వైపు మొగ్గినట్లు జేడీయూ నేతలు చెప్తున్నారు. నితీశ్ ఇలా అలయన్స్లు మార్చడం ఇది ఐదోసారి.
