- ఓటు వేయడానికి వేతనంతో కూడిన సెలవు
- కలెక్టర్ వినయ్కృష్ణారెడ్డి
నిజామాబాద్, వెలుగు : గ్రామ పంచాయతీ పోలింగ్ శాతం, రిజల్ట్విషయంలో క్రాస్ చెక్ చేసుకొని ప్రకటించాలని, తొందరపాటుగా వ్యవహరిస్తే సమస్యలు వస్తాయని కలెక్టర్ వినయ్కృష్ణారెడ్డి యంత్రాంగానికి సూచించారు. సోమవారం ఎంపీడీవో, ఎంపీవో, రిటర్నింగ్ ఆఫీసర్లతో నిర్వహించిన వీడియో కాన్ఫరెన్స్లో కలెక్టర్మాట్లాడారు. ఫస్ట్ ఫేజ్లో11న జరిగే పోలింగ్ కోసం అన్ని గ్రామాల్లో ఫొటోలతో కూడిన ఓటర్ స్లిప్లను పంపిణీ చేయాలని, బ్యాలెట్ పేపర్ పట్ల అన్ని జాగ్రత్తలు తీసుకోవాలన్నారు.
ఉదయం డిస్ట్రిబ్యూషన్ పాయింట్కు చేరుకొని పోలింగ్ మెటీరియల్తో సెంటర్లకు చేరుకోవాలన్నారు. పోలింగ్ సెంటర్లో తాగునీరు, టాయిలెట్స్, కరెంట్ సప్లయ్, ఫ్యాన్ విధిగా ఉండాలన్నారు. పోలింగ్ ముగిశాక కౌంటింగ్ ఏర్పాట్లు చేసుకోవాలన్నారు. అడిషనల్కలెక్టర్లు అంకిత్, కిరణ్కుమార్, సబ్ కలెక్టర్లు వికాస్ మహతో, అభిగ్యాన్ మాలవ్య, ఆర్డీవో రాజేంద్రకుమార్, డీఆర్డీవో సాయాగౌడ్, డీపీవో శ్రీనివాస్రావు తదితరులు పాల్గొన్నారు.
ఉద్యోగులకు పోస్టల్ బ్యాలెట్
మూడు విడతల్లో జరిగే ఎన్నికల్లో ఓటు వేయడానికి ప్రభుత్వ, ప్రైవేట్ రంగ ఉద్యోగులకు వేతనంతో కూడిన సెలవు ఉంటుందని కలెక్టర్ వెల్లడించారు. సర్కార్ ఎంప్లాయీస్ కోసం ఎంపీడీవో ఆఫీసుల్లో పోస్టల్ బ్యాలెట్ ఫెసిలిటేషన్ సెంటర్లు ఏర్పాటు చేసినట్లు తెలిపారు. ఫస్ట్ ఫేజ్ పోలింగ్ సెంటర్ల కోసం ఉపయోగించే స్కూల్స్కు 10, 11వ తేదీలుసెలవు ప్రకటిస్తూ ఉత్తర్వులు జారీ చేశామన్నారు.
మంగళవారం సాయంత్రం 5 గంటలకు ఎన్నికల అభ్యర్థులు ప్రచారం క్లోజ్ చేయాలని, లేకుంటే చర్యలు తీసుకుంటామని హెచ్చరించారు. లిక్కర్ షాప్లు క్లోజ్ చేయాలని పేర్కొన్నారు.
