హైదరాబాద్, వెలుగు: టీఎస్ఎస్పీడీసీఎల్ కస్టమర్స్ ఇక నుంచి కరెంటు బిల్లులను అమెజాన్ ద్వారా కూడా చెల్లించవచ్చు. ఈ మేరకు తెలంగాణ సదరన్ స్టేట్ పవర్ డిస్ట్రిబ్యూషన్ కంపెనీ లిమిటెడ్ (టీఎస్ఎస్పీడీసీఎల్)తో ఒప్పందం కుదుర్చుకున్నామని అమేజాన్ పే ప్రకటించింది. కన్వీనియెన్స్ ఫీజు లేకుండా బిల్లులను చెల్లించవచ్చు. మొదటి బిల్లు చెల్లింపు పై క్యాష్ బ్యాక్స్ పొందవచ్చు. బిల్స్ చెల్లింపు కోసం అమెజాన్ యాప్లో అమేజాన్ పే ట్యాబ్ పై క్లిక్ చేయండి. ఎలక్ట్రిసిటీ బిల్ పేమెంట్పేజీకి రావడానికి ఎలక్ట్రిసిటీ ఐకాన్ పై క్లిక్ చేయాలి.
రాష్ట్రంగా "తెలంగాణ", ఎలక్ట్రిసిటీ బోర్డ్ గా టీఎస్ఎస్పీడీసీఎల్ను ఎంచుకోవాలి. యూఎస్సీ ఎంటర్ చేయగానే, ఇప్పుడు బిల్లు మొత్తం కనిపిస్తుంది. యూపీఐ, అమేజాన్ పే లేటర్, క్రెడిట్ కార్డ్స్, డెబిట్ కార్డ్స్, అమేజాన్ పే బ్యాలెన్స్, లేదా నెట్-బ్యాంకింగ్ వంటి ద్వారా డబ్బు కట్టవచ్చు. మహబూబ్ నగర్, నారాయణ పేట, నల్గొండ, యాదాద్రి, భువనగిరి, సూర్యపేట, సిద్ధిపేట, మేడ్చల్, వనపర్తి, నాగర్ కర్నూల్, జోగులాంబ, గద్వాల్, సంగారెడ్డి, మెదక్, హైదరాబాద్, వికారాబాద్ రంగారెడ్డిలు టీఎస్ఎస్పీడీసీఎల్ పరిధిలోకి వస్తాయి.