ప్రతిరోజూ ప్రపంచంలో 800మిలియన్ ప్రజలు ఆకలితో అల్లాడుతున్నారు. ఆకలి సమస్య ఒకవైపు ఉంటే.. ఫుడ్ వేస్టేజ్ మరోవైపు. పోయినేడాది లెక్కల ప్రకారం.. మనదేశంలో ఒక మనిషి, ఏడాదికి 50 కిలోల ఫుడ్ వేస్ట్ చేస్తున్నాడు. అదే అమెరికాలో అయితే, ఒక యావరేజ్ ఫ్యామిలీ సంవత్సరానికి1500 డాలర్లకు సరిపడా ఫుడ్ వేస్ట్ చేస్తోంది. ఆ వేస్టేజ్లో... వండి తినకుండా పాడయ్యేవి కొన్ని.. కొనుక్కొచ్చి వాడకుండానే పడేసేవి ఇంకొన్ని. ఈ మధ్య కాలంలో ఆల్రెడీ వండిన వంటలు తినబుద్ధికాక, ఫుడ్ డెలివరీలు పెట్టుకోవడం వల్ల వేస్ట్ ఎక్కువ అవుతోంది. కాకపోతే ఇలా కావాలని చేయకపోయినా బిజీ లైఫ్లో ఫుడ్ ప్రిపేర్ చేసేందుకు టైం దొరకదు. ఇంకొందరేమో టైం లేదని తినకుండా వెళ్లిపోతుంటారు.
అంతేకాదు, పెద్దవాళ్లు ఫుడ్ పడేయడం చిన్నవాళ్లు చూస్తే, వాళ్లకూ అదే అలవాటైపోతుంది. ఈ అలవాటు కూడా వారసత్వంగా కంటిన్యూ అవుతూనే ఉంటుంది. ఎలాగైతేనేం మొత్తానికి ఫుడ్ వేస్ట్ అనేది ఇలా ఎన్నో రకాలుగా అవుతోంది. ఈ వేస్టేజ్ అనేది ప్రపంచవ్యాప్తంగా ఉంది. ఆకలి, వేస్టేజ్.. ఈ రెండు ప్రాబ్లమ్స్కి సొల్యూషన్గా ఒక కొత్త టెక్నాలజీ కనిపెట్టారు. దాని పేరు ‘నడ్జ్ ట్యాగ్ సిస్టమ్’.
ఇది చౌకగా దొరికే స్మార్ట్ ట్యాగ్. వాటర్ డ్రాప్ షేప్లో ఉంటుంది. దానికున్న సెన్సర్ లైట్ వల్ల ఫుడ్ ఎక్స్పైరీ డేట్ తెలుసుకోవచ్చు. మరి ఇంట్లో లేనప్పుడు ఎలా తెలుస్తుంది? అంటే.. ఇప్పుడున్న టెక్నాలజీతో మనిషి హార్ట్ బీట్, ఆక్సిజన్ లెవల్స్ వంటివి స్మార్ట్ వాచ్లు, ఫోన్ల ద్వారా తెలుసుకుంటున్నారు. అలాగే ఫ్రిజ్లో లేదా కిచెన్లో పెట్టిన ఏ ఫుడ్ అయినా పాడవబోతోందంటే వెంటనే సిగ్నల్ ఇస్తుంది ఈ ట్యాగ్. ఇంట్లో లేకపోయినా, ఫోన్కి అలర్ట్ మెసేజ్ వస్తుంది. ఇదంతా కరెక్ట్ ప్రాసెస్లో జరగాలంటే... ఒక ఐటమ్ని ఎన్నిరోజుల్లో వాడుకోవాలో ముందుగానే ఒక రౌండ్ సెన్సర్ బోర్డ్కి సెట్ చేసి పెట్టాలి. ట్యాగ్ని ప్రెస్ చేసి సెట్ చేసిన ఆ ఇన్ఫర్మేషన్ని ట్రాన్స్ఫర్ చేయాలి. ఆ ట్యాగ్ని ఫుడ్ ఐటమ్కి అతికించాలి లేదా తగిలించాలి. అప్పటి నుంచి ట్యాగ్ తన పని స్టార్ట్ చేస్తుంది. ఫ్రిజ్ ఓపెన్ చేసినప్పుడు ఏ ఫుడ్ పాడవ్వడానికి రెడీగా ఉందో దాని ట్యాగ్ కలర్ మారుతుంది. అంటే ఫస్ట్ సెట్ చేసినప్పుడు గ్రీన్ కలర్లో ఉన్న ట్యాగ్... టైం అవుట్ అవగానే ఎల్లో కలర్లోకి మారుతుంది. ఆ విధంగా దేన్ని ముందు వాడాలో తెలుస్తుంది. దీనికి సంబంధించిన యాప్ ఫోన్లో ఉంటుంది. కాబట్టి దాని ద్వారా అలర్ట్ మెసేజ్లు వస్తాయి. అంతేకాకుండా ఈ యాప్ ద్వారా పేదలకు ఫుడ్ అందించే ఫెసిలిటీ కూడా ఉంది. అదెలాగంటే... వేస్ట్ కాకుండా ఆపిన ఫుడ్ పర్సంటేజ్ని అవసరమైనవాళ్లకు అందించేందుకు డొనేట్ ఆప్షన్ క్లిక్ చేస్తే సరిపోతుంది.
