శుక్రవారం వచ్చిందంటే చాలు కొత్త సినిమాలు ప్రేక్షకుల ముందుకు వచ్చేస్తాయి. కేవలం థియేటర్స్ లో మాత్రం కాకుండా ఇటు ఓటీటీలో కూడా కొత్త సినిమాలు ఆడియన్స్ కోసం సిద్ధంగా ఉంటున్నాయి. అలాగే ఈ శుక్రవారం(మార్చ్ 22) కూడా రెండు క్రేజీ సినిమాలు ప్రేక్షకుల ముందు వచ్చాయి.
వాటిలో ముందుగా మెగా ప్రిన్స్ వరుణ్ తేజ్ హీరోగా వచ్చిన లేటెస్ట్ మూవీ ఆపరేషన్ వాలెంటైన్. ఇండియన్ ఎయిర్ ఫోర్స్ బ్యాక్డ్రాప్ వచ్చిన ఈ సినిమాను కొత్త దర్శకుడు శక్తి ప్రతాప్ సింగ్ హడా తెరకెక్కించగా.. బాలీవుడ్ బ్యూటీ మనిషి చిల్లర హీరోయిన్ గా నటించారు. ఈ సినిమా మార్చ్ 1న ప్రేక్షకుల ముందుకు వచ్చింది. అయితే.. టీజర్, ట్రైలర్ తో మంచి హైప్ క్రియేట్ చేసిన ఈ సినిమా రిలీజ్ తరువాత ఆ అంచనాలను అందుకోలేకపోయింది.
ఇండియాలో జరిగిన పుల్వామా, బాలకోట్ దాడుల నేపధ్యంలో వచ్చిన ఈ సినిమా కథ బాగానే ఉన్నప్పటికి దాన్ని ప్రెజెంట్ చేసిన విధానం అంత ఆకట్టుకోకపోవడంతో ఆడియన్స్ ఈ సినిమాను రిజెక్ట్ చేశారు. తాజాగా ఈ సినిమాను ప్రముఖ ఓటీటీ సంస్థ అమెజాన్ ప్రైమ్ వీడియోలో విడుదల చేశారు మేకర్స్. ఎలాంటి అప్డేట్ లేకుండా సడన్ గా ఓటీటీకి రావడంతో ఆడియన్స్ ఫుల్ హ్యాపీగా ఫీలవుతున్నారు. మరి థియేటర్స్ లో ఫ్లాప్ గా నిలిచినా ఈ సినిమాకు ఓటీటీలో ఎలాంటి స్పందన వస్తుందో చూడాలి.
ALSO READ :- 11అసెంబ్లీ, 13 ఎంపీ అభ్యర్థులతో టీడీపీ మూడో జాబితా రిలీజ్
ఈవారం ఓటీటీకి వచ్చిన మరో క్రేజీ సినిమా భూతద్దం భాస్కర్ నారాయణ. యంగ్ హీరో శివ కందుకూరి హీరోగా నటించిన ఈ సినిమాను పురుషోత్తం రాజ్ తెరకెక్కించగా మార్చ్ 1న ప్రేక్షకుల ముందుకు వచ్చింది. సైకో కిల్ల‌ర్ బ్యాక్‌ డ్రాప్‌లో త్రిల్లింగ్ ఎలిమెంట్స్ తో వచ్చిన ఈ సినిమా ప్రేక్షకులను బాగానే అలరించింది. దీంతో ఆడియన్స్ నుండి పాజిటీవ్ టాక్ ను సొంతం చేసుకుంది ఈ మూవీ. ఇక ఈ మధ్యే థియేట్రికల్ రన్ ముగించుకున్న ఈ సినిమాను మార్చ్ 22 నుండి ప్రముఖ ఓటీటీ సంస్థ ఆహాలో స్ట్రీమింగ్ అవుతోంది. మరి ఈ సినిమాకు ఓటీటీలో ఎలాంటి స్పందన వస్తుందో చూడాలి.
