వేములవాడరూరల్, వెలుగు : ప్యాడీ ఫిల్లింగ్ మిషన్ తయారీలో రాజన్న సిరిసిల్ల జిల్లా హన్మాజిపేట జడ్పీహెచ్ఎస్ స్టూడెంట్ అభిషేక్కు భారత ప్రభుత్వం పేటెంట్ హక్కులు ఇవ్వగా జిల్లా కలెక్టర్ అనురాగ్ జయంతి శనివారం ఆయనకు శాలువా కప్పి అభినందించారు. అభిషేక్ 8వ తరగతి చదువుతున్న సమయంలో జాతీయస్థాయిలో ఇన్స్పైర్ మనాక్ 2019 సంవత్సరంలో మూడవ స్థానం పొందాడు.
హనుమాజిపేట జడ్పిహెచ్ఎస్ విద్యార్థి మరిపల్లి అభిషేక్ తయారు చేసిన ప్యాడి ఫిల్లింగ్ మిషన్ కు అతని తండ్రి లక్ష్మీరాజం పేరున పేటెంట్ హక్కులు ఇచ్చారు. ప్రస్తుతం అభిషేక్ బీటెక్ చదువుతుండగా జపాన్లో నవంబర్లో జరిగే అంతర్జాతీయ సదస్సుకు కూడా ఎంపికైనట్లు పేర్కొన్నారు. ఈ విద్యార్థిని జిల్లా కలెక్టర్ అనురాగ్ జయంతి, డీఈవో రమేష్, పాఠశాల ప్రధానోపాధ్యాయులు శ్రీకాంత్ రావు, జిల్లా సైన్స్ అధికారి పాముల దేవయ్య, గైడ్ టీచర్ కోరెం వెంకటేశం, అభినందించారు.
