కరాచీలోని సోల్జర్ బజార్‌లో 150 ఏళ్ల నాటి పవిత్ర పుణ్యక్షేత్రం మారి మాత ఆలయాన్ని కూల్చివేశారు. స్థానికులు తెలిపిన వివరాల ప్రకారం.. ఆ ప్రాంతంలో కరెంటు లేని సమయంలో జూలై 14న అర్థరాత్రి ఈ ఆపరేషన్‌ జరిగింది. ఆ పని పూర్తి చేయడానికి డిగ్గర్లు, బుల్డోజర్లు ఉపయోగించారు. బయటి గోడలు, ప్రధాన ద్వారాన్ని మాత్రం వదిలేసి వారు మొత్తం లోపలి నిర్మాణాన్ని ధ్వంసం చేశారు.
ఆలయ భూమిని షాపింగ్‌ ప్లాజా ప్రమోటర్‌కు రూ.7కోట్లకు విక్రయించినట్లు సమాచారం. ఈ ఆలయాన్ని పోలీసుల సమక్షంలో బుల్డోజర్ల సహాయంతో కూల్చివేసినట్లు తెలుస్తోంది. ఈ ఆలయాన్ని కరాచీలోని మద్రాసీ హిందూ సమాజం నిర్వహిస్తోంది. ఆలయ నిర్మాణం చాలా పురాతనమైందని, ఆలయ నిర్వాహకులు అయిష్టంగానే తాత్కాలికంగా దేవతా విగ్రహాలను చిన్న గదిలోకి తరలించి.. అక్కడ కొన్ని పునర్నిర్మాణ పనులు చేపట్టారని వారు తెలిపారు.
ALSOREAD :రైతుల శ్రేయస్సు కోరేది కాంగ్రెస్సే: మాజీ ఎమ్మెల్యే ప్రవీణ్ రెడ్డి
కాగా గతేడాది జూన్‌లో మారిమాత ఆలయంలోని దేవతా విగ్రహాలను దుండగులు ధ్వంసం చేశారని పంచ్‌ముఖి హనుమాన్‌ మందిర్‌ కేర్‌టేకర్‌ రామ్‌నాథ్‌ మిశ్రా మహారాజ్‌ తెలిపారు. ఆలయం కూల్చివేతకు సంబంధించి తమకు ఎలాంటి సమాచారం లేదని ఆయన పేర్కొన్నారు. ఆలయాన్ని కూల్చివేశారని, ప్రహరీ, ప్రధాన ద్వారాన్ని వదిలేసి.. లోపలి నిర్మాణాన్ని కూల్చివేశారన్నారు. ఇది 150 సంవత్సరాల క్రితం పురాతన ఆలయం అని కూడా ఆయన వెల్లడించారు.
Pakistan continues to target Hindu minorities as part of state policy by Pakistan Army. Ancient Hindu Mata Temple of Soldier Bazar, Karachi demolished at midnight to make way for a commercial plaza. The temple was sold for whopping 7 crores under the nose of Pakistan Govt. Shame! pic.twitter.com/b9TGgBHiig
— Aditya Raj Kaul (@AdityaRajKaul) July 16, 2023
