న్యూఢిల్లీ: మెగా ఐపీఓ కోసం లైఫ్ ఇన్సూరెన్స్ కార్పొరేషన్ (ఎల్ఐసీ) ఫిబ్రవరి 13, 2022న సెబీకి డాక్యుమెంట్లను దాఖలు చేసింది. ఈ ఇష్యూ మార్చిలో ప్రజల కోసం అందుబాటులోకి వస్తుంది. ఇది దేశంలోనే అతిపెద్ద ఇనీషియల్ పబ్లిక్ ఆఫర్ (ఐపీఓ) కానుంది. ఎల్ఐసీ సెబీకి అందించిన డీఆర్హెచ్పీ ప్రకారం, కంపెనీ 10 శాతం షేర్లను ఎల్ఐసీ పాలసీదారులకు రిజర్వ్ చేస్తుంది. పాలసీదారులు ఈ రిజర్వేషన్ను దక్కించుకోవడానికి తమ పాలసీలను పర్మనెంట్ అకౌంట్ నంబరు (పాన్)తో లింక్ చేయాలి. ఇందుకు సోమవారం.. అంటే ఫిబ్రవరి 28, 2022 చివరి తేదీ.
ఎల్ఐసీ పాలసీలను పాన్‌‌‌‌తో లింక్ చేయడం చాలా ఈజీ. ఎల్ఐసీ అధికారిక వెబ్సైట్ ద్వారా నిమిషాల్లో పని పూర్తి చేయవచ్చు.
స్టెప్ 1: మొదటగా licindia.in అనేక ఎల్ఐసీ అధికారిక వెబ్‌‌సైట్‌‌కి లాగిన్ అవ్వాలి.
స్టెప్ 2: ఇప్పుడు, హోమ్‌‌పేజీలో ఉన్న 'ఆన్‌‌లైన్ పాన్ రిజిస్ట్రేషన్' ఆప్షన్ ఎంచుకోవాలి.
స్టెప్ 3: ఇప్పుడు పాన్ కార్డ్‌‌ని లింక్ చేయవలసిన పాలసీల జాబితాను దగ్గర ఉంచుకోవాలి
స్టెప్ 4: ఈదశలో 'ప్రొసీడ్' ఆప్షన్ క్లిక్ చేయాలి
స్టెప్ 5: పాలసీహోల్డర్ ఈ-–మెయిల్ ఐడి, పాన్ నంబర్, మొబైల్ నంబర్, పాలసీ నంబర్‌‌ను ఇవ్వాలి. క్యాప్చా కోడ్ ఎంటర్ చేసిన తర్వాత 'ఓటీపీ పొందండి'పై ట్యాబ్ పై క్లిక్ చేయాలి.
స్టెప్ 6: మొబైల్ నంబర్‌‌కు వచ్చిన ఓటీపీని నమోదు చేయాలి
స్టెప్ 7: ఫారమ్‌‌ను సమర్పించిన తర్వాత, రిజిస్ట్రేషన్ రిక్వెస్ట్ విజయవంతమైందనే మెసేజ్ వస్తుంది.
