- కలెక్టర్కు సమ్మె నోటీసుల అందజేత
మంచిర్యాల, వెలుగు : గ్రామపంచాయతీ పనులను పర్యవేక్షిస్తున్న ఈ -పంచాయతీ ఆపరేటర్లు సమ్మె బాట పట్టనున్నారు. రాష్ట్ర వ్యాప్తంగా పని చేస్తున్న కంప్యూటర్ ఆపరేటర్లు తమ డిమాండ్లను పరిష్కరించాలని ఈ నెల 28 నుంచి సమ్మెకు దిగనున్నట్లు ప్రకటించారు. ఈ మేరకు శుక్రవారం మంచిర్యాల జిల్లా కలెక్టర్ బదావత్ సంతోష్, అడిషనల్ కలెక్టర్ రాహుల్, డీపీఓ వెంకటేశ్వర్రావులతో పాటు ఇతర అధికారులకు వినతిపత్రం అందజేశారు.
ఈ సందర్భంగా జిల్లా ప్రాజెక్టు మేనేజర్ దాసరి నరేందర్, ఈ -పంచాయతీ ఆపరేటర్ల సంఘం జిల్లా అధ్యక్షుడు రాకేష్ మాట్లాడుతూ.. రాష్ట్రంలో 1619 మంది ఈ -పంచాయతీ ఆపరేటర్లు 32 జిల్లాలో 13 సంవత్సరాలుగా పని చేస్తున్నారని.. అయినప్పటికీ ఉద్యోగ భద్రత లేదని ఆవేదన వ్యక్తం చేశారు. గ్రామపంచాయతీకి సంబంధించిన ప్రతి పని ఆన్లైన్లో చేస్తున్నా ప్రభుత్వం తమని గుర్తించడం లేదన్నారు.
Also Read :- అదంతా అల్లు అర్జున్ పైన ఇష్టంతోనే.. జవాన్ దర్శకుడు అట్లీ
జిల్లా స్థాయిలో ప్రాజెక్టు మేనేజర్లకు పేస్కేల్ అమలు చేసి జాబ్ గ్యారెంటీ కల్పించాలని, ఆపరేటర్లకు జూనియర్ అసిస్టెంట్ పేస్కేల్ కల్పించాలని, మహిళా ఆపరేటర్లకు ప్రసూతి సెలవులతో పాటు వేతనం అందించాలని, ప్రభుత్వ ఉద్యోగులకు కల్పించేఅన్ని వసతులను కల్పించాలని డిమాండ్ చేశారు. వినతిపత్రం ఇచ్చిన వారిలో జిల్లా ప్రాజెక్టు మేనేజర్ దాసరి నరేందర్, ఈ -పంచాయతీ ఆపరేటర్ల సంఘం జిల్లా అధ్యక్షుడు రాకేష్, ఉపాధ్యక్షుడు పవన్, రాష్ట్ర ప్రచార కార్యదర్శి కుమారస్వామి, ఈ -పంచాయతీ ఆపరేటర్లు ఉన్నారు.
