- 24, 25వ తేదీల్లో ఎంపీల ప్రమాణ స్వీకారం
- 26న లోక్సభ స్పీకర్ ఎన్నిక.. జులై 3 వరకు స్పెషల్ సెషన్
న్యూఢిల్లీ, వెలుగు: పార్లమెంట్ ప్రత్యేక సమావేశాలు ఈ నెల 24 నుంచి ప్రారంభం కానున్నాయి. ఈ సమావేశాల్లో లోక్సభ స్పీకర్ ఎన్నిక, కొత్త ఎంపీల ప్రమాణ స్వీకారం ఉంటుందని పార్లమెంట్ వర్గాలు మంగళవారం తెలిపాయి. ఈ నెల 24 నుంచి జులై 3 వరకు ఎనిమిది రోజుల పాటు పార్లమెంట్ ప్రత్యేక సమావేశాలు నిర్వహించనున్నారు. దీనికోసం ఇప్పటికే అన్ని ఏర్పాట్లు చేసినట్టు సమాచారం.
ఈ నెల 24, 25వ తేదీల్లో కొత్త ఎంపీల ప్రమాణ స్వీకారం, 26న స్పీకర్ ఎన్నికకు ప్లాన్ చేస్తున్నారు. కాగా, ప్రొటెం స్పీకర్‌గా కాంగ్రెస్ ఎంపీ కె.సురేశ్, బీజేపీ ఎంపీ రాధా మోహన్ సింగ్ పేర్లు ప్రముఖంగా వినిపిస్తున్నాయి. ప్రొటెం స్పీకరే లోక్సభకు ఎన్నికైన సభ్యులతో ప్రమాణ స్వీకారం చేయిస్తారు.
