సోషల్ మీడియా అందుబాటులోకి వచ్చిన తరువాత ప్రతి ఒక్కరు తమకు నచ్చిన సమాచారాన్ని వెతికి తెలుసుకుంటున్నారు. అందులో ఫ్యాషన్, టెక్నాలజీ, సినిమా, క్రీడలు ఇలా ఎన్నో అంశాలున్నాయి. ఫుడీ లు మాత్రం వంటల వీడియోలను భలేగా ఇష్టపడతారు. ఆ వంటకాల్లో పరోటాకు ప్రత్యేకమైన ఫ్యాన్ బేస్ ఉంది. అయితే ఓ చోట చేస్తున్న పరోటా నెటిజన్లను విస్మయానికి గురి చేస్తోంది.
స్విమ్మింగ్ ఇన్ ఘీ..
సాధారణంగా పరోటాలను తక్కువ నెయ్యితో తయారు చేస్తారు. ఇన్స్టాగ్రామ్లో వైరల్ అవుతున్న వీడియోలో ప్యాకెట్ నెయ్యిని ఒకే పరోటా తయారీకి ఉపయోగించాడు ఓ వ్యక్తి. అతను పరోటాను నెయ్యిలో స్విమింగ్ చేయించాడని, అది తింటే స్వర్గానికి తీసుకెళ్తుందని నెటిజన్లు కామెంట్ చేస్తున్నారు. అమ్మకందారుడు నెయ్యిని అమ్ముతున్నాడని, పరోటా అక్కడ సైడ్ డిష్లాగా ఉందని మరి కొందరు చమత్కరించారు. ఈ వీడియో 2.3 మిలియన్లకు పైగా వీక్షణలు పొందింది.
