పక్షులు, జంతువులతో కూడిన కొన్ని ఆసక్తికర, ఫన్నీ వీడియోస్ ఎన్నో చూసి ఉంటాం. అలాంటి వీడియోల్లో ఒకటి ఇప్పుడు సోషల్ మీడియాలో చక్కర్లు కొడుతూ వైరల్ గా మారింది. ఈ వీడియోలో ఒక చిలుక, తెరిచి ఉన్న కారు కిటీకీ పై భాగాన నిలబడి ఉంది. ఆ చిలుక కారు ప్రయాణిస్తుండగా గాల్లో విహరిస్తూ... ఆ గాలికి మైమరచిపోయి ఎంజాయ్ చేస్తున్నట్టు తెలుస్తోంది. కారు ప్రయాణం జరుగుతుంది అంటున్నారు.... మరి ఆ చిలుకకు ప్రమాదమేమైనా జరిగితే.. అని కంగారు పడకండి. అలాంటి పరిణామాలేమీ ఎదురుకాకుండా ఆ యజమాని.. ఓ అడుగు ముందేవేశాడు. దానికి ఎలాంటి ప్రమాదం జరగకుండా చిలుక కాలుకి ఓ దారాన్ని కట్టి, అది కింద పడకుండా జాగ్రత్త వహించాడు. ఈ వీడియోను సామాజిక మాధ్యమాల్లో పోస్ట్ చేయడమే కాకుండా, సూపర్ హీరో అని క్యాప్షన్ ను కూడా తగిలించారు అడ్మిన్. ఈ వీడియోను ఫిబ్రవరిలోనే షేర్ చేశారు. కానీ ఇప్పుడు ట్రెండింగ్ లో నిలిచింది. ఇప్పటివరకూ ఈ వీడియోను 1.8మిలియన్ల మంది వీక్షించారు. అంతే కాదు దీనికి1.7 లక్షల లైకులు వచ్చాయి. ఈ వీడియోపై యూజర్స్ కూడా పలు రకాలుగా కామెంట్స్ చేస్తూ... చిలుక చేసే ఫన్నీ రైడ్ ను ఆస్వాదిస్తున్నారు.
