సౌదీ అరేబియాలోని రబ్ అల్ కాళీ ఎడారి గుండా వెళ్తున్న (హైవే 10) 256 కిలోమీటర్ల స్ట్రెయిట్ రోడ్డు ప్రపంచంలోనే అతి పొడవైన స్ట్రెయిట్ రోడ్డుగా గిన్నిస్ రికార్డుగా నమోదు చేసుకుంది. ఈ హైవేను 10 కింగ్ పథ్ కోసం ప్రైవేట్ రహదారిగా నిర్మించారు. ఈ రోడ్డు ఎడారి మధ్యలో ఎలాంటి మలుపులు లేకుండా ఉంటుంది.
ఈ హైవే 10 చమురు, గ్యాస్ నిల్వలకు ప్రసిద్ధి చెందిన నగరం హరద్ నుంచి యునైటెడ్ అరబ్ ఎమిరేట్స్ సరిహద్దుకు సమీపంలో ఉన్న అల్ బాతా వరకు ఉంటుంది.
గతంలో ఈ రికార్డును పశ్చిమ, దక్షిణ ఆస్ట్రేలియాలను కలిపే 146 కిలోమీటర్ల ఐర్ హైవే పేరిట ఉండగా, ప్రస్తుతం సౌదీ అరేబియాలోని అతి పెద్ద ఎడారిలో ఉన్న ఈ హైవే 10 రికార్డుల్లోకెక్కింది.
గిన్నిస్ వరల్డ్ రికార్డ్స్ ప్రకారం ఇది ఎలాంటి మలుపులు, వంపులు లేకుండా సూపర్ స్ట్రెయిట్గా ఉందని, దీనిపై సుమారు రెండు గంటలపాటు ప్రయాణించవచ్చని పేర్కొంది.
