ఇప్పటి వరకు మీరు వంతెనపై నిర్మించుకున్న చిన్న చిన్న దుకాణాలను మాత్రమే చూసి ఉంటారు. కానీ వంతెనపై ఇల్లు నిర్మించుకుని నివసించే వారిని ఎప్పుడైనా చూశారా..? ఒకవేళ చూసినా అది అరుదుగానే చూసి ఉంటారు. అలాంటి వీడియోనే ప్రస్తుతం వైరల్ అవుతోంది. ఈ వీడియోలో వంతెన పైన మొత్తం ఓ కాలనీ కనిపిస్తోంది. మీరు ఇంతకు ముందు ఇలాంటి దృశ్యాన్ని చూసి ఉండరు.
ఈ రోజుల్లో వంతెనపై నిర్మించిన ఇళ్లు చర్చనీయాంశంగా మారాయి. దీనిని వ్యాపార దిగ్గజం హర్ష్ గోయెంకా తన ట్విట్టర్ ఖాతాలో షేర్ చేశారు. ఈ స్థావరం సాధారణ గ్రామాలు, స్థావరాల వలె నేలపై నిర్మించబడలేదు, కానీ గాలిలో అనేక అడుగుల ఎత్తులో ఉన్న వంతెనపై నిర్మించబడింది. నెటిజన్లు దీనిని దేవకన్యలకు నిలయంగా, కలల నగరంగా పిలుస్తున్నారు.
ఇంత అందమైన ప్రదేశంలో జీవించాలనుకుంటున్నారా?
చైనాలోని చాంగ్‌కింగ్‌లో ఉన్న ఈ కాలనీ వీడియో ప్రస్తుతం సోషల్ మీడియాలో వైరల్ అవుతోంది. ఈ బ్రిడ్జి మీద రంగురంగుల ఇళ్ళు కనిపిస్తున్నాయి. వంతెన కింద ఒక నది ప్రవహిస్తోంది. చూసేందుకు ఎంతో కనువిందుగా ఉన్న ఈ ప్రాంతాన్ని చాలా మంది దేవకన్యల కాలనీ అని పిలుస్తున్నారు. సాధారణంగా ఇలాంటి వాతావరణంలో నివసించాలంటే డబ్బున్న వాళ్లకే సాధ్యమవుతుంది. కానీ ఇక్కడ మాత్రం మామూలు ప్రజలు నివసించడం చెప్పుకోదగిన విషయం.
ఈ టౌన్‌షిప్ 400 మీటర్ల పొడవైన వంతెనపై స్థాపించబడింది. ఇది సందర్శకులను సైతం ఎంతో ఆకర్షిస్తోంది. ఇక్కడ 13 వేలకు పైగా వంతెనలు ఉన్నాయి. నిరుపయోగంగా మారిన వంతెనలను స్టేడియంలుగా, వినోద ప్రదేశాలుగా, పార్కింగ్‌ స్థలాలుగా మార్చారు. టౌన్‌షిప్‌కి సంబంధించిన ఈ వీడియో అందర్నీ ఆకట్టుకోగా... కొన్నిసార్లు ఇది కూడా ప్రమాదకరమేనని కొందరు హెచ్చరిస్తున్నారు.
https://twitter.com/hvgoenka/status/1647165660001370112
