అమెరికాలో మరో సారి తుపాకీ గర్జించింది. జార్జియా రాష్ట్రం హెన్రీ కౌంటీలోని హాంప్టన్‌ ప్రాంతంలో ఓ దుండగుడు జులై 15న జరిపిన కాల్పుల్లో నలుగురు దుర్మరణం చెందారని పోలీసులు తెలిపారు. మృతుల్లో ముగ్గురు పురుషులు, ఓ మహిళ ఉన్నట్లు వెల్లడించారు.
ప్రస్తుతం నిందితుడు పరారీలో ఉన్నాడని అతడి కోసం బృందాలు గాలిస్తున్నాయని హాంప్టన్‌ పోలీస్ చీఫ్ జేమ్స్ టర్నర్ వెల్లడించారు. దుండగుడు ఆండ్రీ లాంగ్మోర్(40)గా గుర్తించారు. బాధితుల పేర్లు వెల్లడించలేదు. శనివారం ఉదయం 10.45 గంటలకు ఈ కాల్పుల ఘటన జరిగిందని అధికారులు వెల్లడించారు.
నాలుగు వేర్వేరు ప్రాంతాల్లో ఇవి జరిగాయన్నారు. అతను బూడిద రంగు ప్యాంటు, ఎరుపు రంగుతో ఉన్న నల్ల షర్ట్ ధరించి ఉన్నాడని పోలీసులు తెలిపారు. నిందితుడి సమాచారాన్ని అందిస్తే పది వేల డాలర్లు బహుమతిగా ఇవ్వనున్నట్లు ప్రకటించారు.
