హైదరాబాద్, వెలుగు: మన ఫార్మా ఎగుమతులు 2020–21లో 18.07 శాతం పెరిగాయి. మునుపెన్నడూ లేని విధంగా రూ. 1.83 లక్షల కోట్లకు చేరాయి. అంతకు ముందు ఏడాదిలో ఈ ఎగుమతులు రూ. 1.53 లక్షల కోట్లు మాత్రమే. ఫార్మాస్యూటికల్ ఎక్స్పోర్ట్ ప్రమోషన్ కౌన్సిల్ (ఫార్మెక్సిల్) ఈ డేటా విడుదల చేసింది. మార్చి 2021లో మన ఎగుమతులు భారీగా పెరిగాయి. ఈ ఒక్క నెలలోనే ఫార్మా ఎగుమతులు రూ. 17,144 కోట్లుగా నమోదయ్యాయి. మార్చి 2021లో ఫార్మా ఎక్స్పోర్ట్స్ ఏకంగా 48.5 శాతం పెరిగినట్లు. అంతకు ముందు ఏడాది మార్చిలో ఫార్మా ఎగుమతులు రూ. 11,479 కోట్లు. కరోనా మహమ్మారి మన ఫార్మాస్యూటికల్ ఇండస్ట్రీ ఎగుమతులు పెరగడానికి సాయపడిందని చెప్పొచ్చు. గ్లోబల్గా చూస్తే కొన్ని దేశాలలో ఫార్మా ఇండస్ట్రీ గత ఏడాది నెగటివ్ గ్రోత్ రికార్డు చేసింది. గత ఎనిమిదేళ్ల కాలానికి చూస్తే, ఈ ఏడాది ఫార్మా ఎగుమతులే చాలా ఎక్కువని ఫార్మెక్సిల్ డైరెక్టర్‌ జనరల్‌ ఉదయ భాస్కర్ పేర్కొన్నారు. మన దేశంలో తయారయిన జెనిరిక్స్, వ్యాక్సిన్స్కు డిమాండ్ భారీగా పెరిగిన నేపథ్యంలో ఎగుమతులలో ఇదే ట్రెండ్ కొనసాగుతుందన్నారు. మన దేశపు ఫార్మా ఎగుమతులలో మూడొంతులు నార్త్ అమెరికా మార్కెట్కు జరుగుతున్నాయి. ఈ మార్కెట్కు మన ఎగుమతులు కిందటేడాది 12.6 శాతం పెరిగాయి. కెనడాకు ఎగుమతులు 30 శాతం, మెక్సికోకు ఎగుమతులు 21.4 శాతం ఎక్కువయ్యాయి. ఫార్మా ఎగుమతులలో రెండో ప్లేస్లో నిలుస్తున్న సౌతాఫ్రికాకు కూడా మన ఎగుమతులు 28 శాతం పెరగడం విశేషం. లాటిన్ అమెరికా, కరేబియన్, మిడిల్ ఈస్ట్, సీఐఎస్ దేశాల నుంచి మన ఫార్మా ప్రొడక్ట్స్కు డిమాండ్ పెరుగుతోంది. ఆస్ట్రేలియా, యూఏఈ, ఉజ్బెకిస్థాన్, ఉక్రెయిన్ వంటి దేశాలకు సైతం వెళ్తున్నాయి.
రాబోయే ఏళ్లలో మన దేశపు వ్యాక్సిన్ ఎగుమతులు చాలా పెరుగుతాయని అంచనా వేస్తున్నాం. ప్రభుత్వం తీసుకొచ్చిన ప్రొడక్షన్ లింక్డ్ ఇన్సెంటివ్స్ (పీఎల్ఐ) స్కీము ఫార్మాస్యూటికల్ ఇండస్ట్రీ ఎదుగుదలకు మరింత ఊతమిస్తుంది. దిగుమతులపై ఆధారపడాల్సిన అవసరాన్ని కూడా తగ్గిస్తుంది. ప్రస్తుతం ఇండియా నుంచి యాక్టివ్ ఫార్మా ఇన్గ్రీడియెంట్స్ ఎగుమతుల కోసం చాలా దేశాలు ఎదురు చూస్తున్నాయి. నార్త్ అమెరికా, యూరప్లే కాకుండా 40 ఇతర దేశాలలో మన ఫార్మా ఇండస్ట్రీ విస్తరించేందుకు నిర్వహించిన వర్చువల్ బిజినెస్ మీటింగ్స్ మంచి ఫలితాలను తెచ్చింది. ‑ ఉదయ భాస్కర్, ఫార్మెక్సిల్ డైరెక్టర్‌ జనరల్‌
