ఆదిలాబాద్, వెలుగు: ఆదిలాబాద్ రూరల్ మండలం వాన్వాట్ పంచాయతీ అనుబంధ గ్రామమైన మంగ్లీ తండాలో మంగళవారం అకోలి పీహెచ్సీ సిబ్బంది హెల్త్ క్యాంప్ఏర్పాటు చేశారు. ఈ తండాలో 11 ఆదివాసీ కుటుంబాల్లో 52 మంది కొలాం గిరిజన జాతివారు నివసిస్తున్నారు. వాన్వాట్ నుంచి తండాకు వెళ్లాలంటే సరైన రోడ్డు మార్గం లేదు. వెహికల్స్కూడా వెళ్లవు. అయినప్పటికీ హెల్త్ సూపర్వైజర్ మర్సకొల లక్ష్మీబాయి, హెల్త్ అసిస్టెంట్లు పవార్, ప్రేమ్ సింగ్ రాథోడ్, నారాయణ, విజయలక్ష్మి, ఆశ కార్యకర్త వైద్య కిట్లను మోస్తూ రాళ్లదారిపైనే 5 కిలోమీటర్లు కాలినడకన వెళ్లారు. తండాలో శిబిరం నిర్వహించారు. చిన్న పిల్లలకు ఇమ్యునైజేషన్టీకాలు, గర్భిణులకు టీటీ ఇంజెక్షన్ ఇచ్చారు.
