చాలా మంది పిస్తాను స్నాక్ కోసం వాడతారు. ఇది ఆరోగ్య ప్రయోజనాలు ఇస్తుంది. ఆరోగ్య సమస్యల బారిన పడకుండా కాపాడుతుంది. ఎదిగే పిల్లలకు బాగా మేలు చేస్తుంది. దీంట్లో విటమిన్ బి6 అధికంగా ఉంటుంది. ఇది హిమోగ్లోబిన్ ను పెంచుతుంది.
ఊపిరితిత్తుల నుంచి ఇతర అవయవాలకు సరిపడా ప్రాణవాయువుని చేరవేస్తుంది. విటమిన్ బి6 రోగనిరోధక శక్తిని పెంచి, ఇన్ఫెక్షన్లకు దూరంగా శరీరాన్ని ఉంచుతుంది. ప్రతిరోజూ గుప్పెడులో సగం పిస్తా తీసుకోవడం వల్ల శరీరానికి సరిపడా విటమిన్ 'ఇ' అందుతుంది.
శరీరంలోని వ్యర్థాలను బయటకు పంపి, కొత్త కణాల వృద్ధిని ప్రోత్సహిస్తాయి. కంటి సమస్యలతో బాధపడేవాళ్లు వీటిని తరచూ తీసుకుంటే మంచిది. వీటిల్లో పీచు సమృద్ధిగా లభిస్తుంది. పిస్తాలోని ఇతర పోషకాలు చర్మ క్యాన్సర్లు దరిచేరకుండా కాపాడతాయి. కంటిచూపునకు పిస్తా ఎంతో మేలు చేస్తుంది.
ఇవి కంటిలోని కణాలను పునరుద్ధరించి చూపు స్పష్టంగా ఉండేలా చేస్తాయి. బరువు తగ్గాలనుకునేవారు ఈ పప్పు తినడానికి ప్రాధాన్యమిస్తే మంచిది. జీర్ణవ్యవస్థ పనితీరును మెరుగుపరుస్తుంది. ఇది చర్మాన్ని మృదువుగా ఉంచడంలో కీలక పాత్ర పోషిస్తుంది. అతినీలలోహిత కిరణాల బారి నుంచి చర్మాన్ని కాపాడుతుంది. ముడతలను దూరం చేస్తుంది.
