టోక్యో పారాలింపిక్స్ లో పాల్గొన్న పారా అథ్లెట్లతో సమావేశమయ్యారు ప్రధానమంత్రి నరేంద్ర మోడీ. వారితో మాట్లాడారు. వారి అనుభవాలను అడిగి తెలుసుకున్నారు. పతకాలు గెలిచినవారిని ప్రశంసించారు. మోడీకి తమ మెడల్స్ చూపించారు విజేతలు. అథ్లెట్ల ప్రదర్శన పట్ల భారత్ గర్వపడుతోందన్నారు మోడీ. ఈ మీటింగ్ గత గురువారమే జరిగినప్పటికీ... దానికి సంబంధించిన వీడియోలను కాసేపటి క్రితం రిలీజ్ చేసింది ప్రధానమంత్రి ఆఫీస్.
టోక్యో పారాలింపిక్స్ లో భారత్ 19 పతకాలు గెలిచింది. అందులో 5 గోల్డ్ , 8 సిల్వర్, 6 బ్రాంజ్ మెడల్స్ ఉన్నాయి. గతంలో ఏ పారాలింపిక్స్ లోనూ ఇన్నేసి పతకాలు భారత్ గెలవలేదు. 2016లో జరిగిన రియో పారాలింపిక్స్ లో 2 గోల్డ్, ఒక సిల్వర్, ఒక బ్రాంజ్ తో కలిపి నాలుగు మెడల్స్ గెలిచింది భారత్. మొన్నటివరకు అదే రికార్డ్ కాగా... ఈసారి మన పారా అథ్లెట్స్ కొత్త రికార్డులు సృష్టించారు.
