హైదరాబాద్ నేషనల్ పోలీస్ అకాడమీలో 71వ బ్యాచ్ ఐపీఎస్‌ల పాసింగ్ ఔట్ పరేడ్ జరిగింది. ఈ కార్యక్రమంలో ప్రధాని మోడీ వీడియో కాన్ఫరెన్స్ ద్వారా పాల్గొన్నారు. తాను ఢిల్లీలో తరచుగా యువ ఐపీఎస్ అధికారులతో మాట్లాడుతుంటాను మోడీ అన్నారు. కానీ కరోనా కారణంగా ఈ ఏడాది ఎవరినీ కలవలేకపోయానని ఆయన అన్నారు. తన పదవీకాలంలో మీ అందరినీ తప్పనిసరిగా కలుస్తాను అని మోదీ అన్నారు. విధి నిర్వహణలో ఐపీఎస్‌లంతా అప్రమత్తంగా ఉండాలని ఆయన సూచించారు. ఈ కార్యక్రమంలో కేంద్ర హోంమంత్రి అమిత్ షా, సహాయ మంత్రి కిషన్ రెడ్డిలు కూడా వీడియో కాన్ఫరెన్స్ ద్వారా పాల్గొన్నారు.
ఈ 71 బ్యాచ్‌కు చెందిన 131 మంది యువ ఐపీఎస్‌లకు 42 వారాల పాటు శిక్షణ ఇచ్చారు. వీరిలో 28 మంది మహిళా ఐపీఎస్‌లు కూడా ఉన్నారు. వీరందరికీ సైబర్ క్రైమ్, ఫోరెన్సిక్, ఇంటలిజెన్స్ మొదలగు వాటి గురించి ప్రత్యేక శిక్షణ ఇచ్చారు. ఈ 131 మందిలో 11 మంది ఐపీఎస్‌లను తెలంగాణకు, అయిదుగురిని ఏపీకి కేటాయించారు.
For More News..
