మోదీకి స్వాగతం పలికిన పొంగులేటి సుధాకర్ రెడ్డి

మోదీకి స్వాగతం పలికిన పొంగులేటి సుధాకర్ రెడ్డి

హైదరాబాద్, వెలుగు: కర్నాటకలోని ఉడుపి చారిత్రక శ్రీ కృష్ణ మఠంలో జరిగిన ‘లక్ష కంఠ గీతా పారాయణ’ కార్యక్రమంలో పాల్గొనేందుకు ప్రధాని మోదీ వచ్చారు. ఈ నేపథ్యంలో మంగళూరు విమానాశ్రయంలో ప్రధాని మోదీకి బీజేపీ జాతీయ సహా ఇన్ చార్జ్ పొంగులేటి సుధాకర్ రెడ్డి, మంత్రి దినేష్ గుండూరావు, ఎమ్మెల్యేలు రాజేశ్ నాయక్, కామత్ తదితరులు ఘనంగా స్వాగతం పలిశారు. 

ఈ సందర్భంగా సుధాకర్ రెడ్డి మాట్లాడారు. ప్రధాని మోదీ రాక తీర ప్రాంతంలోని లక్షలాది మంది ప్రజలకు స్ఫూర్తినిస్తున్నదని అభిప్రాయపడ్డారు. ఉడుపి శ్రీ కృష్ణ మఠంలో జరిగిన ‘లక్ష కంఠ గీతా పారాయణ’ కార్యక్రమంలో పాల్గొనడంతో ఈ ప్రాంత ఆధ్యాత్మిక ప్రాముఖ్యతకు మరింత వన్నె తెచ్చారని పేర్కొన్నారు.