ముంబైలోని వెస్ట్రన్ ఎక్స్‌ప్రెస్ హైవేలోని జోగేశ్వరి ప్రాంతంలో బుధవారం రాత్రి వేగంగా వెళుతున్న పోర్షే కారు డివైడర్ను ఢీకొట్టింది. ఈ ఘటనలో డ్రైవర్ తీవ్రంగా గాయపడ్డాడు. పోర్షే కారు, BMW రేసు పెట్టుకుని వెళుతుండగా 150 కిలోమీటర్ల వేగంతో వెళుతున్న పోర్షే కారు అదుపు తప్పి డివైడర్ ను కొట్టేసింది. ఈ ప్రమాదంలో పోర్షే కారు నుజ్జునుజ్జయింది. ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది.
#WATCH | An accident occurred on the Western Express Highway in Mumbai late last night after a Porsche car allegedly collided with a divider while racing a BMW car. pic.twitter.com/xIqsf3AiHp
— ANI (@ANI) October 9, 2025
పోర్షే కారు నంబర్ DN 09Q 1777. ఈ కారు డివైడర్ను ఢీకొట్టి మోగ్రా మెట్రో స్టేషన్ సమీపంలో రోడ్డుపై నుజ్జునుజ్జయిన స్థితిలో పడి కనిపించింది. ప్రమాదం జరిగిన సమయంలో కారులో ఇద్దరు వ్యక్తులు ఉన్నారని ప్రత్యక్ష సాక్షులు తెలిపారు. ఈ ఇద్దరికీ తీవ్ర గాయాలు అయ్యాయి. గాయపడిన ఇద్దరినీ స్థానికులు హుటాహుటిన ఆసుపత్రికి తరలించారు. ఈ ఘటనపై పోలీసుల దర్యాప్తు మొదలైంది.
తెల్లవారుజామున 2 గంటల ప్రాంతంలో, ముంబైలోని మోగ్రా మెట్రో స్టేషన్ సమీపంలో వేగంగా వస్తున్న పోర్స్చే కారు రోడ్డుపై ఉన్న గుంతలో పడి అదుపు తప్పిందని పోలీసులు తెలిపారు. ఈ కారణంగా కారు అదుపు తప్పి డివైడర్ను ఢీకొట్టిందని చెప్పారు. కారును నడిపిన వ్యక్తి మద్యం మత్తులో ఉండటం వల్ల ఈ ప్రమాదం జరిగిందేమోననే అనుమానంతో అతని బ్లడ్ శాంపిల్స్ను సేకరించి పరీక్షిస్తున్నట్లు పోలీసులు తెలిపారు.
ఇక మరో ఘటనలో.. ముంబైలోని కోస్టల్ రోడ్డులో ఎర్టిగా కారు మహాలక్ష్మి ఏరియా నుంచి వర్లి వైపు వెళుతుండగా కారు అదుపు తప్పి సముద్రంలోకి దూసుకెళ్లింది. ఈ ఘటనలో కారు డ్రైవర్‌ను మహారాష్ట్ర భద్రతా దళం (MSF) కాపాడింది.
