మలయాళ ఇండస్ట్రీలో అసలు అంచనాలు లేకుండా రిలీజై ఏకంగా రూ.100 కోట్లు కలెక్ట్ చేసి సంచలన విజయం సాధించిన సినిమా ప్రేమలు(Premalu). పర్ఫెక్ట్ యూత్ ఫుల్ ఎంటర్టైనర్ గా వచ్చిన ఈ సినిమా ఆడియన్స్ ను, మరీ ముఖ్యంగా కుర్రకారును తెగ ఆకట్టుకుంది. దీంతో బాక్సాఫీస్ దగ్గర ఈ సినిమా కలెక్షన్ల సునామి సృష్టించింది. ఈ సినిమాకు మలయాళంలో వచ్చిన క్రేజ్ చూసి.. తెలుగులో డబ్ చేసి విడుదల చేశారు మేకర్స్. తెలుగులో ఈ సినిమాను రాజమౌళి తనయుడు రిలీజ్ చేయడం, సక్సెస్ మీట్ కి రాజమౌళి రావడంతో ఈ సినిమాపై మంచి బజ్ క్రియేట్ అయ్యింది.
దానికి తోడు ప్రేమలు కథ మన హైదరాబాద్ చుట్టూ తిరగడంతో తెలుగు ఆడియన్స్ ఈ సినిమాను ఓన్ చేసుకున్నారు. దీంతో ఇక్కడ కూడా అదిరిపోయే కలెక్షన్స్ రాబట్టింది ప్రేమలు. మార్చి 8న తెలుగు ప్రేక్షకుల ముందుకు వచ్చిన ఈ సినిమా ఇప్పటివరకు రూ.15 కోట్లకు పైగా వసూళ్లు రాబట్టి తెలుగులో హైయెస్ట్ కలెక్షన్స్ రాబట్టిన మలయాళ సినిమాగా సరికొత్త రికార్డ్ క్రియేట్ చేసింది. ఇప్పటికీ ఈ సినిమా ఎన్ని భాషల్లో మంచి కలెక్షన్స్ తో ముందుకు దూసుకుపోతోంది.
ఈ కారంగానే ప్రేమలు ఓటీటీ రిలీజ్ ఆలస్యం కానుందట. ముందుగా ఈ సినిమాను మార్చి 29 నుండి స్ట్రీమింగ్ చేస్తున్నట్లు సోషల్ మీడియాలో వార్తలు వైరల్ అయ్యాయి. కానీ, 29వ తేదీన మాత్రం స్ట్రీమింగ్ కు రాలేదు. దీంతో సినిమా లవర్స్ కాస్త డిజప్పాయింట్ అయ్యారు. అయితే.. ఈ ఆలస్యానికి కారణం లేకపోలేదు. ప్రేమలు సినిమా విడుదలై నెలరోజులు గడుస్తున్నా.. కలెక్షన్స్ మాత్రం తగ్గడం లేదు. ఆ కారణంగానే మరోవారం పాటు ప్రేమలు ఓటీటీ రిలీజ్ పోస్ట్ పోన్ చేయాలని నిర్ణయం తీసుకున్నారట మేకర్స్. త్వరలోనే కొత్త డేట్ పై అధికారిక ప్రకటన వచ్చే అవకాశం ఉంది.
