వానలు పడుతున్న ఈ టైంలో వాతావరణం తేమగా ఉంటుంది. దాంతో తొందరగా చెమట పడుతుంటుంది. చెమట కారణంగా ర్యాషెస్ వస్తాయి. చర్మం ఎర్రగా అవుతుంది. దుర్వాసన వస్తుంది. ఫంగల్ ఇన్ఫెక్షన్లు వచ్చే అవకాశం కూడా ఉంది. ఈ ఇబ్బందులు రాకుండా ఉండాలంటే... సీజన్కి తగ్గ సోప్ వాడాలి. రెయినీ సీజన్లో చెమట, తడి వల్ల బ్యాక్టీరియా చేరుతుంది. యాంటీ బ్యాక్టీరియల్ సోప్ వాడితే బ్యాక్టీరియా పోతుంది. చర్మం తాజాగా కనిపిస్తుంది. ఎసెన్షియల్ ఆయిల్ కలిపిన నీళ్లతో స్నానం చేస్తే ఫ్రెష్గా ఉంటుంది. పెప్పర్మింట్ ఆయిల్ కలిపిన నీళ్లతో స్నానం చేసినా కూడా చెమట వాసన రాదు. అలాగే, ఈ టైంలో ఘాటుగా, స్పైసీగా ఉన్న ఫుడ్ తగ్గించాలి. ఈజీగా అరిగే సలాడ్స్, కూరగాయలు వంటివి ఎక్కువ తినాలి.
