యంగ్ టైగర్ ఎన్టీఆర్(Ntr), బాలీవుడ్ స్టార్ హ్రితిక్ రోషన్(Hrithik Roshan) కాంబోలో వస్తున్న మోస్టన్ అవైటెడ్ మూవీ వార్ 2(War2). 2019లో వచ్చిన సూపర్ హిట్ మూవీ వార్ సినిమాకు సీక్వెల్ గా వస్తున్న ఈ సినిమాను బాలీవుడ్ భారీ నిర్మాణ సంస్థ యాష్ రాజ్ ఫిల్మ్స్ నిర్మిస్తుండగా.. అయాన్ ముఖర్జీ తెరకెక్కిస్తున్నారు. చాలా కాలం క్రితమే షూటింగ్ స్టార్ ఆయిన ఈ భారీ ప్రాజెక్టు పై ప్రేక్షకుల్లో భారీ అంచనాలున్నాయి. ఎన్టీఆర్ ప్రస్తుతం దేవర షూటింగ్ లో ఉన్న కారణంగా.. కేవలం హ్రితిక్ రోషన్ కు సంబందించిన పార్ట్ ఫినిష్ చేస్తున్నారు మేకర్స్. ఇక త్వరలోనే ఎన్టీఆర్ కూడా ఈ మూవీ షూట్ లో పాల్గొననున్నారు.
ఆర్ఆర్ఆర్ లాంటి గ్లోబల్ హిట్ తరువాత ఎన్టీఆర్ చేస్తున్న సినిమా కావడంతో ఈ సినిమాపై భారీగా హైప్ క్రియేట్ అవుతోంది. దీంతో ఈ సినిమా నుండి వినిపిస్తున్న చిన్న న్యూస్ అయినా క్షణాల్లో వైరల్ అవుతోంది. తాజాగా ఆలాంటి మరో న్యూస్ ఒకటి నెట్టింట వైరల్ గా మారింది. అదేంటంటే.. చాలా రోజులుగా ఈ సినిమాకు మ్యూజిక్ ఎవరు చేయనున్నారు అనే విషయంపై సస్పెన్స్ కొనసాగుతోంది. అతేంకాదు.. బాలీవుడ్ నుండి చాలా మంది స్టార్ మ్యూజిక్ డైరెక్టర్స్ పేర్లు కూడా వినిపించాయి. ప్రస్తుతం వినిపిస్తున్న సమాచారం మేరకు ఆ సూపర్ కాంబో మూవీకి బాలీవుడ్ స్టార్ మ్యూజిక్ డైరెక్టర్ ప్రీతం ను ఫిక్స్ చేశారట మేకర్స్. త్వరలోనే అధికారిక ప్రకటన కూడా వచ్చే అవకాశం ఉందని టాక్.
ఇక వార్ 2 విషయానికి వస్తే.. ఈ సినిమాలో మరో బాలీవుడ్ స్టార్ జాన్ అబ్రహం విలన్ గా కనిపించనున్నాడు. భారీ యాక్షన్ ఎంటర్టైనర్ గా తెరకెక్కుతున్న ఈ సినిమాలో హ్రితిక్ రోషన్ కు జోడీగా కియారా అద్వానీ కనిపించనున్నారు. కానీ, ఎన్టీఆర్ కి జోడీగా చేయబోయే హీరోయిన్ గురించి ఇంకా క్లారిటీ రాలేదు. మరి భారీ అంచనాల మధ్య వస్తున్న ఈ సినిమా బాక్సాఫీస్ దగ్గర ఎలాంటి విజయాన్ని సాధిస్తుందో చూడాలి.
