RO-KO Ko NZ Ne Rokh Diya: మౌంట్ మౌంగనుయ్‌లోని బే ఓవల్ వేదికగా న్యూజిలాండ్‌తో జరుగుతున్న ఐదో వన్డేలో టీమిండియాకు ఆరంభంలోనే గట్టి ఎదురుదెబ్బ తగిలింది. ఈ మ్యాచ్‌లోనైనా చెలరేగుతారనుకున్న సీనియర్లు రోహిత్ శర్మ, విరాట్ కోహ్లీ మరోసారి పూర్తిగా నిరాశపరిచారు. టాస్ ఓడి ముందుగా బ్యాటింగ్‌కు దిగిన భారత్‌కు కివీస్ బౌలర్లు ఆదిలోనే డబుల్ షాక్ ఇవ్వడంతో ఇండియన్ టీమ్ కష్టాల్లో పడింది. దీంతో 34 పరుగులకే కీలకమైన 3 వికెట్లని కోల్పోయింది.
రోహిత్ 7, కోహ్లీ 5.. పెవిలియన్‌కు క్యూ కట్టిన స్టార్లు:
నిరాశపరిచిన రోహిత్: కివీస్ గడ్డపై బహుశా తన చివరి అంతర్జాతీయ మ్యాచ్ ఆడుతున్న ఓపెనర్ రోహిత్ శర్మ, వచ్చిన అవకాశాన్ని సద్వినియోగం చేసుకోలేకపోయాడు. కేవలం 7 పరుగులు మాత్రమే చేసి పెవిలియన్ బాట పట్టాడు.
* విరాట్ కోహ్లీ కూడా విఫలం: రోహిత్ వెనుదిరిగిన కాసేపటికే విరాట్ కూడా తక్కువ స్కోరుకే ఔటయ్యాడు. కేవలం 5 పరుగులు మాత్రమే చేసి కోహ్లీ వెనుదిరగడంతో మైదానంలోని ఇండియన్ ఫ్యాన్స్ తీవ్ర నిరాశకు గురయ్యారు. ఇద్దరు దిగ్గజాలు ఆరంభంలోనే ఔట్ కావడంతో న్యూజిలాండ్ బౌలర్లు మ్యాచ్‌పై పూర్తి పట్టు సాధించారు.
సోషల్ మీడియాలో RO-KO కో NZ నే రోక్ దియా వైరల్:
* రోహిత్ శర్మ (RO), విరాట్ కోహ్లీ (KO) వరుస వైఫల్యాలపై నెట్టింట ఫ్యాన్స్ వినూత్నంగా స్పందిస్తున్నారు. వారిద్దరి పేర్లలోని మొదటి అక్షరాలను కలిపి అభిమానులు క్రియేట్ చేసిన RO-KO కో NZ నే రోక్ దియా (రో-కో ను న్యూజిలాండ్ ఆపేసింది) అనే క్యాప్షన్ ఇప్పుడు సోషల్ మీడియాలో తెగ వైరల్ అవుతోంది.
* ఐదు వన్డేల సిరీస్‌లో ప్రస్తుతం 2–1 ఆధిక్యంలో ఉన్న భారత్, ఈ సిరీస్‌ను కైవసం చేసుకోవాలంటే మిడిల్ ఆర్డర్ బ్యాటర్లు ఇన్నింగ్స్‌ను చక్కదిద్ది పోరాడగల స్కోరును అందించాల్సిన అవసరం ఉంది. మరోవైపు కివీస్ బౌలర్లు ఇదే జోరును కొనసాగించి సిరీస్‌ను 2–2తో సమం చేయాలని చూస్తున్నారు. ప్రస్తుతం టీమిండియా 24 ఓవర్లలో 116 పరుగులకే కీలకమైన 4 వికెట్లు కోల్పోయింది.
Rohit Sharma dismissed for just 7 runs, while Virat Kohli departs for just 5 runs. Worst-ever ODI series for Ro-Ko 💔 https://t.co/rVYqz8Cqo0
— TEJASH 🚩 (@Tejashyy) November 15, 2026
