పీఎస్ఎల్వీ సి-55 రాకెట్ ప్రయోగానికి కౌంట్డౌన్ కొనసాగుతోంది. 25 గంటల 30 నిమిషాల పాటు కౌంట్డౌన్ కొనసాగనుంది. శుక్రవారం మధ్యాహ్నం 12 గంటల 50 గంటలకు కౌంట్డౌన్ ప్రారంభమవగా.. ఏప్రిల్ 22వ తేదీ మధ్యాహ్నం 2 గంటల 20 నిమిషాలకు రాకెట్ నింగిలోకి ఎగరనుంది. తిరుపతి జిల్లాలోని షార్ నుంచి శనివారం (ఏప్రిల్ 22న) మధ్యాహ్నం 2 గంటల 20 నిమిషాలకు పొలార్ శాటిలైట్ లాంచ్ వెహికల్ (పీఎస్ఎల్వీ)-సి55 ప్రయోగం చేపట్టేందుకు శాస్త్రవేత్తలు సర్వం సిద్ధం చేశారు.
పీఎస్ఎల్వీ సి-55 రాకెట్ ప్రత్యేకతలు ఇవే
* సింగపూర్కు చెందిన 741 కిలోల బరువుగల టెలీయోస్-2, 16 కిలోల లూమోలైట్-4 ఉపగ్రహాలను పీఎస్ఎల్వీ మోసుకెళ్లనుంది.
* టెలీయోస్-2 ఉపగ్రహం సింగపూర్ ప్రభుత్వానికి చెందినది. ఎస్టీ ఇంజినీరింగ్ భాగస్వామ్యంతో అభివృద్ధి చేశారు.
* ఉపగ్రహంలో సింథటిక్ ఎపర్చరు రాడార్ పేలోడ్ను ఉంచారు. అన్ని వాతావరణ పరిస్థితుల్లో రేయింబవళ్లు కవరేజీ అందించగలదు.
* లూమాలైట్-4 ఉపగ్రహాన్ని ఇన్స్టిట్యూట్ ఫర్ ఇన్ఫోకామ్ రీసెర్చ్, నేషనల్ యూనివర్సిటీ ఆఫ్ సింగపూర్లోని శాటిలైట్ టెక్నాలజీ అండ్ రీసెర్చ్ సెంటర్ ఆధ్వర్యంలో అభివృద్ధి చేశారు.
* సింగపూర్ ఇ-నావిగేషన్ సముద్ర భద్రతను పెంపొందించడం, ప్రపంచ షిప్పింగ్ కమ్యూనిటీకి ప్రయోజనం చేకూర్చడం దీని లక్ష్యం.
