సూపర్ స్టార్ రజినీకాంత్ 72 ఏళ్ల వయసులోనూ సూపర్ స్పీడుతో దూసుకెళ్తున్నారు. ప్రస్తుతం బ్యాక్ టు బ్యాక్ సినిమాలు చేస్తున్నారు. వాటిలో ‘లాల్ సలామ్’ ఒకటి. ఆయన కూతురు ఐశ్వర్య డైరెక్ట్ చేస్తోన్న ఈ చిత్రాన్ని లైకా ప్రొడక్షన్స్ సంస్థ నిర్మిస్తోంది. విష్ణు విశాల్, విక్రాంత్ హీరోలుగా నటిస్తుండగా, రజినీకాంత్ కీలక పాత్రలో కనిపించబోతున్నారు. ఇప్పటికే షూటింగ్ పూర్తికాగా, ఆదివారంతో ఆయన పాత్రకు సంబంధించి డబ్బింగ్‌‌ను కంప్లీట్ చేశారు రజినీకాంత్. ఈ సందర్భంగా విడుదల చేసిన వీడియోలో రజినీ తనదైన స్టైల్‌‌లో డబ్బింగ్ చెప్పగా.. ఐశ్వర్య టేక్ ఓకే చెబుతుంది.
ఇందులో మొయిద్దీన్ భాయ్ పాత్రలో రజినీ కనిపించనున్నారు. ఇప్పటికే విడుదల చేసిన ఆయన లుక్ సినిమాపై అంచనాలు పెంచింది. ఏ.ఆర్.రెహమాన్ ఈ చిత్రానికి సంగీతం అందిస్తున్నారు. మరోవైపు లోకేష్ కనకరాజ్ దర్శకత్వంలో రజినీకాంత్ 171వ చిత్రాన్ని రీసెంట్‌‌గా అనౌన్స్ చేశారు. సన్ పిక్చర్స్ బ్యానర్‌‌‌‌పై కళానిధి మారన్ దీన్ని నిర్మిస్తున్నారు. వచ్చే ఏడాది ప్రారంభంలో ఈ సినిమా సెట్స్‌‌కి వెళ్లనుంది.
