రంగారెడ్డి జిల్లాలో తుక్కుగూడ మున్సిపాలిటీ ఫాబ్ సిటీలోని ప్రీమియర్ ఎనర్జీస్ కంపెనీలో ఘోర ప్రమాదం జరిగింది. నిర్మాణంలో ఉన్న స్లాబ్ ఒక్కసారిగా కుప్పకూలింది. దాని కింద పనిచేస్తున్న కార్మికులపై ఆ స్లాబ్ పడడంతో ఓ వ్యక్తి అక్కడికక్కడే మృతి చెందాడు. మరో ఏడుగురికి తీవ్ర గాయాలయ్యాయి. క్షతగాత్రులను స్థానిక ఆసుపత్రికి తరలించారు.
కంపెనీ యాజమాని నిర్లక్ష్యం వల్లే ప్రమాదం జరిగిందని కార్మికులు చెబుతున్నారు. సమాచారం అందుకున్న పోలీసులు ఘటనా స్థలానికి చేరుకొని దర్యాప్తు చేపట్టారు.
