ఒక సినిమా పూర్తవ్వక ముందే మరో సినిమాలో చాన్స్ సంపాదించడం.. అది కూడా స్టార్ హీరో సినిమానే కావడం చిన్న విషయం కాదు. ఈ విషయంలో రష్మిక జోరు మామూలుగా లేదు. ఆల్రెడీ తెలుగులో పుష్ప 2, సీతారామం చిత్రాలతో పాటు విజయ్, వంశీ పైడిపల్లి సినిమా కూడా చేతిలో ఉంది. అటు బాలీవుడ్‌‌‌‌లో మిషన్ మజ్ను, గుడ్ బై చిత్రాలు రిలీజ్‌‌‌‌కి రెడీ అవుతున్నాయి. రీసెంట్‌‌‌‌గా ‘యానిమల్‌’ మూవీ సెట్స్‌‌‌‌కి వెళ్లింది. ఇప్పుడు మరో బిగ్ ప్రాజెక్ట్ రష్మిక బ్యాగ్‌‌‌‌లో పడినట్లు తెలుస్తోంది. ఎన్టీఆర్ హీరోగా కొరటాల శివ డైరెక్షన్‌‌‌‌లో ఓ మూవీ రానున్న సంగతి తెలిసిందే. ఇందులో ఆలియా భట్‌‌‌‌ని హీరోయిన్‌‌‌‌గా తీసుకున్నట్లు మొదట వార్తలు వచ్చాయి. అయితే ఇటీవల ఆమె ఈ ప్రాజెక్ట్ నుంచి తప్పుకున్నట్లు కొత్త వార్తలు పుట్టుకొచ్చాయి. టీమ్ వైపు నుంచి ఎవరూ అఫీషియల్‌ కన్ఫర్మేషన్ ఇవ్వకపోయినా.. ఈ వార్త నిజమేనని టాలీవుడ్ వర్గాలు అంటున్నాయి. ఇతర కమిట్‌‌‌‌మెంట్స్‌‌‌‌తో పాటు రీసెంట్‌‌‌‌గా పెళ్లి కూడా అవ్వడం వల్లే ఆలియా ఈ సినిమాని వదులుకుందని టాక్. ఇప్పుడా పాత్ర రష్మికని వరించినట్లు సమాచారం. త్వరలోనే అనౌన్స్‌‌‌‌మెంట్ కూడా రానుందట. మొత్తానికి బాలీవుడ్, టాలీవుడ్ అనే తేడా లేకుండా రష్మిక రాక్ చేసేస్తోంది!
