యాదాద్రి, వెలుగు; రజాకార్ సినిమాను కలిసి చూద్దామని బీజేపీ జాతీయ ప్రధాన కార్యదర్శి, ఎంపీ బండి సంజయ్ పార్టీ రాష్ట్ర కార్యవర్గ సభ్యుడు గూడూరు నారాయణ రెడ్డితో అన్నారు. రజాకార్ సినిమా నిర్మాత అయిన గూడురు గురువారం హైదరాబాద్‌లో సంజయ్‌ను కలిశారు. ఈ సందర్భంగా సంజయ్ మాట్లాడుతూ నైజాం నిరంకుశ పాలనతో నాటి హైదరాబాద్ స్టేట్ ప్రజలు పడిన ఇబ్బందులను నేటి తరానికి తెలిపేందుకు సినిమా తీయడం అభినందనీయమన్నారు.
ప్రజలకు నిజమైన చరిత్ర తెలియకుండా లౌకిక పార్టీలుగా చెప్పుకుంటూ ఓటు బ్యాంకు రాజకీయాలు చేస్తున్న కాంగ్రెస్, బీఆర్ఎస్, వామపక్షాల నిజస్వరూపాన్ని ఈ సినిమా బయట పెడుతుందని అన్నారు.
