- లక్స్, సర్ఫ్ ఎక్స్ల్తో పోటీకి సై
- డిస్ట్రిబ్యూషన్ స్ట్రాటజీ ఖరారు
వెలుగు బిజినెస్ డెస్క్: సాఫ్ట్డ్రింక్స్లో అడుగు పెట్టి రేట్ల తగ్గింపుతో యుద్ధానికి తెరతీసిన రిలయన్స్ తాజాగా హోమ్కేర్, ఎఫ్ఎంసీజీలో అదే స్ట్రాటజీ అమలు చేస్తోంది. పోటీదారుల ప్రొడక్టుల రేట్లతో పోలిస్తే 30 నుంచి 35 శాతం తక్కువ రేట్లకే హోమ్కేర్, ఎఫ్ఎంసీజీ ప్రొడక్టులను రిలయన్స్ అమ్ముతోంది. తక్కువ రేట్లకే దొరుకుతున్న రిలయన్స్ ప్రొడక్టులను ఒకసారి ట్రై చేయడానికి కస్టమర్లు కచ్చితంగా ఇష్టపడతారని ఎక్స్పర్టులు చెబుతున్నారు. ఒకసారి కొని క్వాలిటీ ఎలా ఉందో చూసి, పెర్ఫార్మెన్స్పై కస్టమర్లు ఒక నిర్ణయానికి వస్తారని వారంటున్నారు.
ఫాస్ట్మూవింగ్ కన్జూమర్ గూడ్స్ (ఎఫ్ఎంసీజీ) కోసం రిలయన్స్ రిటెయిల్ వెంచర్స్ లిమిటెడ్ ఒక పూర్తిస్థాయి సబ్సిడరీని ఆర్సీపీఎల్ పేరుతో ఏర్పాటు చేసింది. ప్రస్తుతానికి ఈ కంపెనీ ప్రొడక్టులను దేశంలోని కొన్ని మార్కెట్లలోనే ప్రవేశ పెట్టారు. మిగిలిన ప్రాంతాలలోను అందుబాటులోకి తెచ్చేందుకు డీలర్ నెట్వర్క్ ఏర్పాటు ప్రయత్నాలను కంపెనీ ముమ్మరం చేసింది. మోడర్న్, జనరల్ ట్రేడ్ ఛానెల్స్ రెండింటి ద్వారా తన ఎఫ్ఎంసీజీ ప్రొడక్టులను రిలయన్స్ రిటెయిల్ అమ్మనుంది. ట్రెడీషనల్ డీలర్, స్టాకిస్టుల నెట్వర్క్తో పాటు, మోడర్న్ బీ2బీ ఛానెల్స్ద్వారా డిస్ట్రిబ్యూషన్కు రిలయన్స్ చురుగ్గా ఏర్పాట్లు చేస్తున్నట్లు పరిశ్రమ వర్గాలు వెల్లడిస్తున్నాయి.
ఎఫ్ఎంసీజీ మార్కెట్110 బిలియన్ డాలర్లు..
దేశంలోని ఎఫ్ఎంసీజీ మార్కెట్ విలువ 110 బిలియన్ డాలర్ల దాకా ఉంటుందని అంచనా. ఎఫ్ఎంసీజీ రంగంలో హిందుస్తాన్ యూనిలీవర్, ప్రోక్టర్ అండ్ గ్యాంబుల్, రెకిట్, నెస్లే వంటి మల్టీ నేషనల్ కంపెనీలే పెద్ద ప్లేయర్లుగా ఉన్నాయి. తన గ్లిమ్మర్ బ్యూటీ సోప్స్, రియల్ నేచురల్ సోప్స్, ప్యూరిక్ హైజీన్ సోప్స్ను రూ. 25 కే రిలయన్స్ అమ్ముతోంది. అంటే ఇతర పెద్ద బ్రాండ్ ప్రొడక్టుల కంటే తక్కువ రేటుకే ఆఫర్ చేస్తోంది. 100 గ్రాముల లక్స్ సబ్బు రేటు రూ. 35 అయితే, 75 గ్రాముల డెట్టాల్ సబ్బు రేటు రూ. 40, సంతూర్ 100 గ్రాముల సబ్బు రేటు రూ. 34. ఇక తన 2 లీటర్ల ఫ్రంట్లోడ్ లిక్విడ్ డిటర్జెంట్ఎన్జో ను ఆర్సీపీఎల్ (రిలయన్స్) రూ.250 కి అమ్ముతుంటే, సర్ఫ ఎక్సెల్ 2 లీటర్ల ప్యాక్ రేటు రూ. 325 గా ఉంది. కిలో ఎన్జో ఫ్రంట్ లోడ్ డిటర్జెంట్ పౌడర్ను రూ. 149 కే ఆర్సీపీఎల్ ఆఫర్ చేస్తోంది.
డిష్వాష్ సెగ్మెంట్లో సైతం తన ప్రొడక్టుల రేట్లను ఇలాగే నిర్ణయించింది రిలయన్స్. రూ. 5, రూ. 10, రూ.15 రేట్లతో బార్స్ను ప్రవేశపెట్టింది. దీంతోపాటే, లిక్విడ్ జెల్ ప్యాక్స్ కూడా రూ. 10, రూ. 30, రూ. 45 రేట్లకు అమ్ముతోంది. హిందుస్తాన్ యూనిలీవర్ విమ్, జ్యోతి ల్యాబ్స్ ఎక్సో, ప్రిల్లతో డిష్ వాషర్ కేటగిరీలో పోటీపడుతోంది రిలయన్స్ రిటెయిల్ కంపెనీ. ఎన్జో డిటర్జెంట్ బార్స్ రేట్లను మాత్రం ఆర్సీపీఎల్ ఇంకా ప్రకటించలేదు. ఈ నెల మొదట్లోనే క్యాంపా కోలాను దేశీయ మార్కెట్లోకి మళ్లీ తెచ్చింది ఆర్సీపీఎల్. దీంతో, పెప్సీకో, కోకా–కోలా కంపెనీలతో నేరుగా పోటీకి దిగింది. 200 ఎంఎల్ క్యాంపా కోలా బాటిల్ను రూ. 10 కి, 500 ఎంఎల్ బాటిల్ను రూ. 20 కే ఆర్సీపీఎల్ అమ్ముతోంది.
బ్యూటీ, పర్సనల్ కేర్ మార్కెట్ వాల్యూ 21.65 బిలియన్ డాలర్లు..
హిందుస్తాన్ యూనిలీవర్ సర్ఫ్, లక్స్ బ్రాండ్లతో పాటు, ఆయా కేటగిరీలలో మార్కెట్ లీడర్లుగా ఉన్న ప్రొడక్టులతో రిలయన్స్ పోటీకి దిగిందని టెక్నోపాక్ ఎడ్వైజర్స్ చైర్మన్ అరవింద్ సింఘాల్ వెల్లడించారు. తక్కువ రేటుకే దొరుకుతున్న రిలయన్స్ ప్రొడక్టులను కస్టమర్లు ఒకసారి కొని ట్రై చేస్తారని, సంతృప్తి చెందితే మళ్లీ–మళ్లీ కొంటారని పేర్కొన్నారు. ఎఫ్ఎంసీజీలో అడుగు పెట్టడానికి రిలయన్స్ పూర్తి లెవెల్లో హోమ్వర్క్ చేసిందన్నారు. ఇండియాలో బ్యూటీ, పర్సనల్ కేర్ మార్కెట్వాల్యూ 2022లో 21.65 బిలియన్ డాలర్లు. రిలయన్స్ ప్రొడక్టులు మార్కెట్లోకి ఇంకా రావాల్సి ఉందని ఆల్ ఇండియా కన్జూమర్ ప్రొడక్ట్స్ డిస్ట్రిబ్యూటర్స్ ఫెడరేషన్ (ఏఐసీపీడీఎఫ్) ప్రెసిడెంట్ ధైర్యాషిల్పాటిల్ చెప్పారు. లక్స్, సంతూర్ వంటి సబ్బుల బ్రాండ్లు మార్కెట్లో బాగా పాతుకుపోయాయని, మార్కెట్లో మొత్తం 1000 పైగా ఇతర బ్రాండ్లు దొరుకుతున్నాయని ఆయన పేర్కొన్నారు. తన బ్రాండ్ను మార్కెట్లోకి తెచ్చి, ఎడ్వర్టయిజ్మెంట్ మొదలు పెడితే తప్ప ఆర్సీపీఎల్ ప్రొడక్టులకు మార్కెట్లో గుర్తింపు రాదని వెల్లడించారు.