న్యూఢిల్లీ: హార్ట్ ఎటాక్ వచ్చినప్పుడు గుండెలోని కండరాల్లో ఉండే కొన్ని కణాలు దెబ్బతింటాయి. సకాలంలో చికిత్స అందకుంటే అవి శాశ్వతంగా చచ్చుబడిపోయి ప్రాణాలకే ముప్పు కలుగుతుంది. ఇలా దెబ్బతినే గుండె కండర కణాలను రిపేర్చేయగలిగే నాలుగు ప్రొటీన్లను అమెరికాలోని సాన్ఫర్డ్ బర్న్హాం ప్రెబై సంస్థ సైంటిస్టులు గుర్తించారు. వాటిని హార్ట్ ఎటాక్ ఎదుర్కొన్న ఎలుకల గుండె కండరాల్లోకి ప్రవేశపెట్టి జరిపిన రీసెర్చ్లో సానుకూల ఫలితాలు వచ్చాయి.
వీటి ప్రభావంతో.. ఆ ఎలుకల గుండె కండరాల పనితీరు మునుపటి కంటే 50 శాతం మెరుగుపడిందని వెల్లడైంది. దెబ్బతిన్న గుండె కండర కణాలను ‘ఏజేఎస్ జడ్’ అనే గ్రూప్ కు చెందిన నాలుగు ప్రొటీన్లు రిపేర్చేసి పూర్వస్థితికి తీసుకొచ్చాయని సైంటిస్టులు వెల్లడించారు. గుండెజబ్బులతో పాటు పార్కిన్సన్స్, న్యూరో మస్క్యులర్ రోగాలకు ఈ తరహా ప్రొటీన్ చికిత్స చేయొచ్చని తెలిపారు. ఈ రీసెర్చ్ వివరాలు ఇటీవల ‘నేచర్ కమ్యూనికేషన్స్’ జర్నల్లో పబ్లిష్అయ్యాయి.
