OTT Crime: ఎవ్వరూ ఊహించని ఓటీటీలోకి.. మొగలి రేకులు’ హీరో RKసాగర్ క్రైమ్ థ్రిల్లర్

OTT Crime: ఎవ్వరూ ఊహించని ఓటీటీలోకి.. మొగలి రేకులు’ హీరో RKసాగర్ క్రైమ్ థ్రిల్లర్

‘మొగలి రేకులు’సీరియల్ RK సాగర్ హీరోగా నటించిన రీసెంట్ క్రైమ్ థ్రిల్లర్ ‘ది 100’. రాఘవ్ ఓంకార్ శశిధర్ దర్శకత్వంలో రమేష్ కరుటూరి, వెంకి పుషడపు నిర్మించారు. ఇందులో ధన్య బాలకృష్ణ, మిషా నారంగ్, విష్ణుప్రియ, నటరాజన్, టెంపర్ వంశీ కీలక పాత్రలు పోషించారు. జూలై 11న థియేటర్లలోకి వచ్చిన ఈ మూవీ చడీచప్పుడు లేకుండా ఓటీటీకి ఎంట్రీ ఇచ్చింది.

‘ది 100’ ఓటీటీ: 

ఆర్కే సాగర్ అలియాస్ ఆర్కే నాయుడు నటించిన తెలుగు క్రైమ్ థ్రిల్లర్ ‘ది 100’. ఈ మూవీ ఇవాళ (ఆగస్టు 29న) ఎవ్వరూ ఊహించని ఓటీటీలో స్ట్రీమ్ అవుతోంది. ఎక్కువశాతం తెలుగు సినిమాలన్నీ నెట్‌ఫ్లిక్స్, ప్రైమ్ వీడియో, ఆహా, ఈటీవీ విన్, జియో హాట్‌స్టార్, సోనీ లివ్, జీ5 వంటి ఓటీటీ ప్లాట్‌ఫామ్స్‌లలో స్ట్రీమింగ్కి వస్తుంటాయి.

కానీ, ఈ ఒరిజినల్ తెలుగు క్రైమ్ థ్రిల్లర్ మాత్రం వాటికి భిన్నంగా ఎంట్రీ ఇచ్చింది. అదే లయన్స్ గేట్ ప్లే ఓటీటీ. ఇవాళ సడెన్ ఎంట్రీ ఇచ్చి షాక్ ఇచ్చింది. ఈ సినిమా మరో OTTప్లాట్‌ఫామ్‌ ప్రైమ్ వీడియోలోకి వచ్చే అవకాశం ఉంది. కానీ, ఇంకా అధికారిక ప్రకటన వెలువడలేదు. 

‘ది 100’మూవీ ప్రారంభం నుంచి ఆడియన్స్లో హైప్ పెంచే ప్రయత్నం చేశారు మేకర్స్. ఇందులో భాగంగా మాజీ ఉప‌ రాష్ట్రప‌తి వెంక‌య్య‌నాయుడు నుంచి మెగా బ్రదర్స్ వరకు ప్రమోషన్స్తో ఆకట్టుకున్నారు. కానీ, సినిమా రిలీజ్ అయ్యాక మాత్రం ప్రేక్షకుల్లో క్యూరియాసిటీ తీసుకురాలేకపోయారు.

‘ది 100’స్టోరీ ప్రధానంగా ఓ హత్య చుట్టూ తిరుగుతుంటుంది. ఇందులో భాగంగా నడిచే ఇన్విస్టిగేషన్, ఈ క్రమంలో ఎదుటివారిపై వచ్చే అనుమానాలతో కథనం థ్రిల్లింగ్‌గా ఉంటుంది. కానీ, థియేటర్ ఆడియన్స్ని మాత్రం మెప్పించలేకపోయింది. మరి ఓటీటీ ఆడియన్స్ కి ఎలాంటి అనుభూతి ఇస్తుందో చూడాలి. 

కథ:

IPS ట్రైనింగ్‌ పూర్తి చేసుకుని ఏసీపీగా బాధ్యతలు చేపడుతాడు విక్రాంత్‌ (ఆర్కే సాగర్‌). ఇదే సమయంలో సిటీలో వరుసగా రాబరీలు, మర్డర్స్ జరుగుతాయి. విక్రాంత్‌ ఛార్జ్ తీసుకున్న మరుక్షణమే ప్రజలను వణికిస్తున్న ఈ హత్యలపై ప్రత్యేక దృష్టి పెడతాడు. కేసు ఇన్వెస్టిగేషన్లో భాగంగా ఒడిశాకి చెందిన ఓ ముఠా దీని వెనుక ఉన్న‌ట్టు కనుక్కుంటాడు.

అలాగే, ఈ ఇన్వెస్టిగేషన్‌లో తన ప్రియురాలు ఆర్తి (మిషా నారంగ్) కూడా ఓ బాధితురాలని తెలుసుకుంటాడు. ఎట్టకేలకు ఆ కేసుని ఛేదించి ముఠాని ప‌ట్టుకుంటాడు. కానీ, ఆర్తికి జ‌రిగిన అన్యాయానికి, ఈ ముఠాకి సంబంధం లేదనే నిజం తెలుస్తోంది. ఈ క్రమంలోనే వరుసగా హత్య చేయబడ్డ అమ్మాయిల విషయంలో కొన్ని నిజాలు బయటకొస్తాయి. వారిలో సాఫ్ట్‌వేర్ ఉద్యోగి అయిన మధు (విష్ణుప్రియ) సూసైడ్ వెనుకున్న విషయాలపై ఫోకస్ పెడతాడు. అప్పుడు మరిన్ని సంచలన విషయాలు తెలుసుకుంటాడు. 

►ALSO READ | Jr NTR : ఎన్టీఆర్ 'డ్రాగన్' లోకి బాలీవుడ్ నటుడు ఎంట్రీ.. బాక్సాఫీస్ బద్దలవ్వాల్సిందే!

అసలు సిటీలో జరుగుతున్న వరుస హత్యల వెనుక ఉన్నదెవరు? తన లవర్ ఆర్తిని టార్గెట్ చేసిన వ్య‌క్తులెవ‌రు? వరుస దోపిడీలు చేసేదెవరు? నిజానికి ఈ కేసులో నేరస్థులు ఎవరు? ఫైనల్‌గా ఆ కేసును విక్రాంత్ ఎలా ఇన్వెస్టిగేట్ చేశాడు? అతనికి తెలిసిన ఇంట్రెస్టింగ్ విషయాలు ఏంటనేదే మిగతా కథ.