టీమిండియా మాజీ కెప్టెన్ రోహిత్ శర్మ ఎంత కూల్ గా ఉంటాడనే విషయం ప్రత్యేకంగా చెప్పాల్సిన అవసరం లేదు. ఎంత గ్రేట్ మూమెంట్ అయినా తనదైన సాధారణంగా సెలెబ్రేషన్ చేసుకునే హిట్ మ్యాన్.. తొలిసారి కొత్తగా కనిపించాడు. అగ్రెస్సివ్ సెలెబ్రేషన్ తో ఒక్కసారిగా వైరల్ గా మారాడు. ఆదివారం (నవంబర్ 30) రాంచీ వేదికగా సౌతాఫ్రికాతో జరుగుతున్న తొలి వన్డేలో కోహ్లీ సెంచరీతో సత్తా చాటాడు. 102 బంతుల్లో సెంచరీ పూర్తి చేసుకున్న విరాట్.. ఓవరాల్ గా 120 బంతుల్లో 135 పరుగులు చేసి అదిరిపోయే ఇన్నింగ్స్ ఆడాడు. కోహ్లీకి వన్డే ఫార్మాట్ లో ఇది 52వ సెంచరీ కావడం విశేషం.
కోహ్లీ సింగిల్ ఫోర్ కొట్టి తన సెంచరీ పూర్తి చేసిన తర్వాత డ్రెస్సింగ్ రూమ్ నుంచి రోహిత్ చప్పట్లు కొడుతూ అగ్రెస్సివ్ గా కనిపించాడు. కమాన్ కోహ్లీ అంటూ తన సంతోషాన్ని వ్యక్తం చేశాడు. సోషల్ మీడియాలో వైరల్ అవుతున్న ఈ వీడియో క్లిప్ లో ఏదో తిడుతూ చప్పట్లు కొట్టి కోహ్లీ సెంచరీని అభినదించినట్టు తెలుస్తోంది. ఈ సిరీస్ కు ముందు ఆస్ట్రేలియా సిరీస్ లో విఫలమైన కోహ్లీ.. 2027 వన్డే వరల్డ్ కప్ లో కోహ్లీ ఆడతాడా లేదా అనే అనుమానాలు నెలకొన్నాయి. అయితే కోహ్లీ తనపై ఉన్న అనుమానాలను పోగొడుతూ.. విమర్శకులకు సమాధానం చెబుతూ సెంచరీతో చెలరేగాడు. దీంతో రోహిత్ విపరీతమైన సంతోషంతో తన శైలి మార్చుకొని దూకుడుగా కోహ్లీ సెంచరీని అభినందించాడు.
ఈ మ్యాచ్ లో ఓపెనర్ గా బరిలోకి దిగిన రోహిత్ అద్భుతంగా ఆడాడు. 51 బంతుల్లోనే 57 పరుగులు చేసి రాణించాడు. హిట్ మ్యాన్ ఇన్నింగ్స్ లో ఐదు ఫోర్లు, 3 సిక్సర్లున్నాయి. రోహిత్ శర్మ మూడు సిక్సర్లు కొట్టడంతో వన్డేల్లో అత్యధిక సిక్సర్లు బాదిన ప్లేయర్ గా చరిత్ర సృష్టించాడు. ప్రస్తుతం రోహిత్ వన్డే కెరీర్ లో 352 సిక్సర్లున్నాయి. 351 సిక్సర్లతో పాకిస్థాన్ పవర్ హిట్టర్ షాహిద్ అఫ్రిదిని వెనక్కి నెట్టి హిట్ మ్యాన్ అగ్ర స్థానానికి చేరుకున్నాడు. ఇన్నింగ్స్ 20 ఓవర్లో సఫారీ పేసర్ మార్కో జాన్సెన్ బౌలింగ్ లో సిక్సర్ కొట్టిన రోహిత్.. అఫ్రిదిని వెనక్కి నెట్టి టాప్ కు చేరుకున్నాడు. గేల్ (331), జయసూర్య (270), ధోనీ (229) వరుసగా మూడు, నాలుగు, ఐదు స్థానాల్లో కొనసాగుతున్నారు.
ఈ మ్యాచ్ విషయానికి వస్తే సౌతాఫ్రికాతో జరుగుతున్న తొలి వన్డేలో టీమిండియా భారీ స్కోర్ తో చెలరేగింది. ఆదివారం (నవంబర్ 30) రాంచీ వేదికగా జరుగుతున్న ఈ మ్యాచ్ లో సొంతగడ్డపై సఫారీ బౌలర్లకు చుక్కలు చూపిస్తూ భారీ స్కోర్ చేశారు. స్టార్ బ్యాటర్ విరాట్ కోహ్లీ సెంచరీ (120 బంతుల్లో 135: 11 ఫోర్లు, 7 సిక్సర్లు)తో విధ్వంసం సృష్టిస్తే.. రోహిత్ శర్మ (57) హాఫ్ సెంచరీతో అదరగొట్టాడు. కేఎల్ రాహుల్ (60) కెప్టెన్ ఇనింగ్స్ తో సత్తా చాటాడు. దీంతో మొదట బ్యాటింగ్ చేసిన ఇండియా నిర్ణీత 50 ఓవర్లలో 8 వికెట్ల నష్టానికి 349 పరుగులు చేసింది. కోహ్లీ 135 పరుగులతో టాప్ స్కోరర్ గా నిలిచాడు. సౌతాఫ్రికా బౌలర్లలో బార్ట్ మాన్, బర్గర్, జాన్సెన్, బాష్ తలో రెండు వికెట్లు తీసుకున్నారు.
Guess Rohit Sharma's lips 😭 pic.twitter.com/VIz7eDwgun
— Gagan🇮🇳 (@1no_aalsi_) November 30, 2025
