రజనీకాంత్ కుమార్తె, కోలీవుడ్ నిర్మాత ఐశ్వర్య(Ishwarya) రెండో పెళ్లి చేసుకోనుందనే వార్త వైరలవుతోంది. కోలీవుడ్ స్టార్ హీరో ధనుష్(Dhanush)ను పెళ్లాడిన ఆమె ఇటీవల భర్తతో విడిపోతున్నట్టు ప్రకటించింది. ఆ తర్వాత పెద్దల జోక్యంతో ఆ నిర్ణయంపై వెనక్కి తగ్గనట్టు వార్తలొచ్చాయి. అయితే, ఇప్పుడు ఐశ్వర్య రెండో పెళ్లి వార్త వైరలవుతోంది. ఇందులో నిజం లేదని ఆమె సన్నిహిత వర్గాలు తాజాగా క్లారిటీ ఇచ్చాయి.
ఓ కోలీవుడ్ హీరోతో ఐశ్వర్య ప్రేమలో ఉందనే ప్రచారం జరుగుతోంది. వీరిద్దరూ సన్నిహితంగా ఉన్నరిసార్టు ఫొటోలు బయటకు వచ్చినట్టు మీడియాలో వార్తలొస్తున్నాయి. ఇక కొన్నేళ్ల కిందట సుచీ లీక్స్ పేరుతో లీకైన ఫొటోల్లో ధనుష్ ఓ హీరోయిన్తో క్లోజ్గా ఉండటమే ఐశ్వర్యతో బంధంలో చీలికలు తెచ్చినట్టు టాక్ నడుస్తోంది. ఇక అప్పటినుంచే వీరిద్దరి మధ్య గొడవలు ముదిరి విడాకులకు దారితీసిందని కోలీవుడ్ వర్గాలు పేర్కొంటున్నాయి.