మూడో ప్రపంచ యుద్ధం నిజమైతది

మాస్కో/కీవ్: ఉక్రెయిన్ తమను రెచ్చగొడుతోందని, మూడో ప్రపంచ యుద్ధం రావాలని కోరుకుంటోందని రష్యా మండిపడింది. అణ్వాయుధాలను ప్రయోగించే విషయంలో తమ దేశాన్ని తక్కువ అంచనా వేయవద్దని, ఉక్రెయిన్​ ఇట్లనే రెచ్చగొట్టే చర్యలకు పాల్పడితే అణ్వాయుధాలను ప్రయోగించేందుకు వెనుకాడబోమని హెచ్చరించింది. ఉక్రెయిన్​ తూర్పు ప్రాంతంలో రైలు, ఆయిల్​ స్థావరాలను టార్గెట్ చేసుకుని దాడు లు ముమ్మరం చేసినట్టు రష్యా రాయబారి ఒకరు వెల్లడించారు. రష్యా ఆరోపణలపై ఉక్రెయిన్​ స్పందించలేదు. అయితే ఖార్కివ్​ సహా చాలా నగరాలపై రష్యా షెల్లింగ్​ కొనసాగుతోందని ఉక్రెయిన్​ జనరల్​ స్టాఫ్ వెల్లడించారు. కాగా, ఖిర్సన్​ రీజియన్​లో రష్యా సేనల కంట్రోల్​లో ఉన్న వెలికా ఒలెగ్జాండ్రికా గ్రామాన్ని తిరిగి స్వాధీనం చేసుకున్నామని తెలిపారు. రష్యాకు చెందిన ఒక ఆయుధాగారాన్ని ధ్వంసం చేశామని, 70 మంది సైనికులను మట్టుబెట్టామని చెప్పారు. 

మా గ్రామంపై దాడులు చేస్తోంది

బార్డర్​కు దగ్గర్లోని తమ గ్రామంపై ఉక్రెయిన్​ దాడుల కు పాల్పడుతోందని రష్యా ఆరోపించింది. ‘‘ఒక గ్రామాన్ని టార్గెట్​ చేసుకుని ఉక్రెయిన్​ దాడులు చేస్తోంది. అక్కడ ఇద్దరు పౌరులు గాయపడ్డారు. చాలా ఇండ్లు ధ్వంసమయ్యాయి”అని బెల్గోడ్​ రిజియన్​ గవర్నర్​ వ్యచస్లావ్ గ్లాడ్​కోవ్ చెప్పారు.

రష్యాకు ఎగుమతులపై మరిన్ని ఆంక్షలు: బ్రిటన్

ఉక్రెయిన్​ నుంచి తమ దేశానికి వచ్చే అన్ని రకాల వస్తువులపై టారీఫ్​లను తగ్గించినట్టు బ్రిటన్​ వెల్లడించింది. అదే సమయంలో రష్యాకు టెక్నాలజీకి సంబంధించిన కొన్ని ఎగుమతులపై బ్యాన్​ విధించినట్టు తెలిపింది. ఉక్రెయిన్​లో దాడులకు రష్యాకు ఈ టెక్నాలజీ సహకరిస్తున్నందున ఈ నిర్ణయం తీసుకున్నట్టు తెలిపింది. జెలెన్​స్కీ విజ్ఞప్తి ప్రకారం ఈ నిర్ణయాలు తీసుకున్నామని యూకే ఇంటర్నేషనల్​ ట్రేడ్ డిపార్ట్​మెంట్​ వెల్లడించింది.

కాల్పులు ఆపండి: గుటెరస్

ఉక్రెయిన్​లో కాల్పుల విరమణ పాటిం చాలని ఐక్యరాజ్యసమితి సెక్రటరీ జనరల్​ అంటోనియో గుటెరస్​ రష్యా విదేశాంగ మంత్రి సెర్గీ లావ్రోవ్​ను కోరారు. మంగళ వారం మాస్కోలోలావ్రోవ్​తో గుటెరస్ సమావేశమై తాజా పరిస్థితులపై చర్చిం చారు. ఉక్రెయిన్​లో శాంతి నెలకొనడాని కి, చర్చల ప్రక్రియను తిరిగి ప్రారంభించే లా చేయడానికి తాము దారులు వెతుకు తున్నామని గుటెరస్​ చెప్పారు. శాంతి యుత పరిష్కారంకోసం అందరూ సహకరించాలని కోరారు. ఉక్రెయిన్​లో పరిస్థితుల వల్ల ప్రపంచ ఆహార భద్రతపై ప్రభావం పడకుండా ఉండేందుకు చర్య లు తీసుకుంటున్నామని చెప్పారు.షెడ్యూల్​ ప్రకారం ఈ వారంలోనే గుటెరస్​ కీవ్​లో కూడా పర్యటించాల్సి ఉంది. మరోవైపు, మరియుపోల్​లో చిక్కుకున్న జనాలను సేఫ్​ ప్లేసులకు తరలించేందుకు సాయం చేయాలని ఉక్రెయిన్​ ఐక్యరాజ్య సమితిని కోరింది.