హీరో నవదీప్ సమర్పణలో రవి మహాదాస్యం, విషిక లక్ష్మణ్ జంటగా రాజశేఖర్ సుద్మూన్ దర్శకత్వంలో తెరకెక్కిన చిత్రం ‘సగిలేటి కథ’. దేవీప్రసాద్ బలివాడ, అశోక్ మిట్టపల్లి నిర్మిస్తున్నారు. ఇప్పటికే విడుదలైన సాంగ్స్, ట్రైలర్ సినిమాపై ఆసక్తిని పెంచాయి. శనివారం ఈ మూవీ రిలీజ్ డేట్‌‌‌‌‌‌‌‌ను అనౌన్స్ చేశారు.
సెన్సార్ పూర్తి చేసుకుని యుఏ సర్టిఫికెట్ అందుకుందని, అక్టోబర్ 6న సినిమాను ప్రేక్షకుల ముందుకు తీసుకొస్తున్నట్టు ప్రకటించారు. ఈ చిత్రం చాలా నేచురల్‌‌‌‌‌‌‌‌గా ఉందని, ఇలాంటి రూటెడ్ కథలు మునుపెన్నడూ చూడలేదంటూ సెన్సార్ సభ్యులు ప్రశంసించారని చిత్రయూనిట్ తెలియజేసింది.
