దేశంలోని అత్యంత అభివృద్ధి చెందని ప్రాంతాలలో పురోగతిని అంచనా వేయడానికి నీతి ఆయోగ్ ఆధ్వర్యంలో సంపూర్ణత అభియాన్ అనే పథకాన్ని ప్రారంభించనుంది. 2024 జూలై 1 నుండి సెప్టెంబర్ 30 వరకు అంటే మూడు నెలల వరకు ఈ కార్యక్రమం జరగనుంది. ఆయోగ్ చీఫ్ ఎగ్జిక్యూటివ్ ఆఫీసర్ BVR సుబ్రహ్మణ్యం రాసిన లేఖ ప్రకారం, జిల్లాలలో గుర్తించబడిన ఆరు సూచికలలో సంతృప్తతను సాధించడానికి ఒక ప్రచారాన్ని నిర్వహించడానికి సంపూర్ణత అభియాన్ ను రూపొందించారు. దేశవ్యాప్తంగా అత్యంత అభివృద్ధి చెందని 112 జిల్లాలను త్వరగా, సమర్ధవంతంగా మార్చేందుకు 2018లో ఆస్పిరేషనల్ డిస్ట్రిక్ట్స్ ప్రోగ్రామ్ (ADP)ని ప్రధాని నరేంద్ర మోదీ ప్రారంభించారు. దీని నుండి నేర్చుకున్న విషయాల ఆధారంగా, 500 బ్లాక్లను కవర్ చేసే ఆస్పిరేషనల్ బ్లాక్స్ ప్రోగ్రామ్ (ABP) 2023జనవరిలో ప్రారంభించబడింది. పౌరుల జీవన నాణ్యతను మెరుగుపరచడానికి, దేశంలోని మారుమూల జిల్లాలో సేవా డెలివరీని మెరుగుపరచడానికి పాలనను మెరుగుపరచడంపై దృష్టి సారించాయని నీతి అయోగ్ లేఖలో పేర్కొంది.
