మెదక్/ సంగారెడ్డి, వెలుగు: కారు అదుపుతప్పి పల్టీ కొట్టగా అందులో ఉన్న భార్యభర్తలు స్పాట్లో మృతిచెందిన ఘటన సంగారెడ్డి జిల్లా కంది మండల కేంద్రం వద్ద జరిగింది. పోలీసులు తెలిపిన వివరాల ప్రకారం..
రంగారెడ్డి జిల్లా శంకర్పల్లి మండలం గాజులగూడెం గ్రామానికి చెందిన బీజేపీ లీడర్ యెల్లకొండ నర్సింహులు (40) సోమవారం హైదరాబాద్లో జరిగిన మీటింగ్కి హాజరై ఇంటికి వచ్చాడు. రాత్రి 10.30 సమయంలో భార్య మౌనిక(33)తో కలిసి కారులో సంగారెడ్డి వైపు బయలుదేరారు.
ఈ క్రమంలో కంది మండల కేంద్రం వద్దకు రాగానే కారు అదుపుతప్పి రోడ్డు మధ్యలోని డివైడర్ను ఢీకొని, పల్టీలు కొట్టి బోల్తాపడింది. దీంతో అందులో ఉన్న భార్యాభర్తలు ఇద్దరూ స్పాట్లోనే మృతిచెందారు. సమాచారం అందుకున్న సంగారెడ్డి రూరల్ పోలీసులు ఘటనా స్థలానికి చేరుకుని వివరాలు ఆరా తీశారు. ఈ మేరకు కేసు నమోదు చేసుకుని దర్యాప్తు చేస్తున్నట్లు రూరల్ ఎస్సై మధుసూదన్రెడ్డి తెలిపారు.
