రాజన్న సిరిసిల్ల, వెలుగు : అగ్గిపెట్టెలో పట్టే చీరను, పట్టుతో వివిధ రకాల బొమ్మలు వేసి నేసిన చీరను చూశాం. ఇలాంటి ప్రయోగాలకు వేదికైన సిరిసిల్ల నుంచి ప్రముఖ చేనేత కళాకారుడు నల్ల విజయ్రంగులు మారే చీరను తయారు చేసి ఔరా అనిపించాడు. రంగులు మారే వివిధ పట్టు పురుగుల నుంచి సేకరించిన పట్టు, 30 గ్రాముల బంగారం..500 గ్రాముల వెండితో నెల రోజులు పాటు శ్రమించి ఈ చీరను తయారు చేశాడు.
దీనికి రూ.2 లక్షల 80 వేలు ఖర్చయ్యిందని విజయ్చెప్పాడు. చీర పొడుగు 6.3 మీటర్లు, వెడల్పు 48 ఇంచులు ఉండడంతో పాటు ఆరు వందల గ్రాములు బరువు ఉంటుందన్నాడు. తెలిసిన వ్యాపారవేత్త ఆర్డర్ఇవ్వడంతో తయారు చేసినట్టు తెలిపాడు. ఈ చీరను సోమవారం హైదరాబాద్లోని సచివాలయంలో మంత్రి కేటీఆర్ ఆవిష్కరించారు. నల్ల విజయ్ అగ్గిపెట్టెలో ఇమిడే చీరను తయారు చేసిన నల్ల పరంధాములు కుమారుడు. విజయ్ ఇటీవల సుగంధాలు వెదజల్లే చీరను తయారు చేశారు. ఈ సందర్భంగా విజయ్ పని తీరును కేటీఆర్ అభినందించారు.
