బషీర్బాగ్, వెలుగు: నకిలీ వీసాతో మీ తమ్ముడు అరెస్ట్అయ్యాడని సైబర్ నేరగాళ్లు ఓ మహిళ వద్ద డబ్బులు కొట్టేశారు. హైదరాబాద్ సైబర్ క్రైం ఏసీపీ శివమారుతి తెలిపిన ప్రకారం.. మెహదీపట్నంకు చెందిన 38 ఏండ్ల మహిళకు స్కామర్స్ వాట్సాప్ కాల్ చేశారు. ఖతార్లో వీసా సమస్యతో ఆమె సోదరుడిని పోలీసులు అరెస్ట్ చేశారని చెప్పారు. కేసు నుంచి కాపాడాలంటే రూ.2 లక్షలు పంపాలని డిమాండ్ చేశారు. నమ్మిన డబ్బులు ట్రాన్స్ఫర్చేసింది. సోదరుడికి ఫోన్ చేయగా అరెస్ట్ కాలేదని చెప్పడంతో సైబర్ క్రైం పోలీసులకు ఆమె కంప్లైంట్ చేసింది.
